Connect with us

Maqedoni

Në Maqedoni kundër Covid-19 fillimisht do të vaksinohen rreth 400 mijë persona – Alsat

Published

on

Programi Covax, pjesë e të cilës është edhe Maqedonia e Veriut parasheh gjithsej 833.000 doza të vaksinës kundër Covid-19 për 20 për qind të popullatës në vendin tonë, për shkak se vaksina duhet të jepet në dy doza, fillimisht do të vaksinohen vetëm 400 mijë persona.

Kryetarja e Komisionit për Imunizim, D-r Aleksandra Grozdanova thotë se të dozat e vaksinave do të vijnë në mënyrë graduale. Sipas saj dozat e para të vaksinës pritet të arrijnë në tremujorin e parë të vitit 2021, repsektivisht mes muajit janar-mars.

“Në 20 përqindëshin e parë, vaksinimi është planifikuar së pari për grupet e rrezikut siç janë punonjësit shëndetësorë, të sëmurët kronikë dhe personat e moshuar. Natyrisht më pas do të planifikohet furnizimi shtesë me vaksina për të gjithë popullatën”, tha D-r. Grozdanova.

Grozdanova thotë se Maqedonia e Veriut do të furnizohet me vaksinën e parë që do të merr aprovimin për përdorim të vaksinës kundër Covid-19.

“Aktualisht, këto vaksina po jepen në dy doza, që do të thotë se kemi një efekt mbrojtës të konfirmuar prej vetëm gjashtë muajsh, por pritet që këto vaksina të zhvillohen për aplikim në një dozë dhe që do të sigurojë mbrojtje për një vit”, shpjegon D-r. Grozdanova për SDK.

Profesoresha pranë Fakultetin të Farmacisë në Shkup paralajmëron se vendi por edhe e gjithë bota do të përballen me sfidat logjistike për transportin, deponimin dhe shpërndarjen e vaksinës.

“Të gjitha vendet në botë, përfshi edhe vendin tonë do të përballen me sfidën e vaksinimit të shpejtë dhe masiv. Kjo është arsyeja pse ne tashmë kemi filluar me analizën e kapaciteteve që kemi në dispozicion, si nga mënyra teknike ashtu edhe nga mënyra humane, që të kemi një pasqyrë se ku dhe në çfarë mënyre do të duhet të ndërhyjmë. Unë besoj se me një organizim të duhur ne do të jemi në gjendje të përgjigjemi dhe të përgatitemi në kohë për këtë aktivitet tejet serioz”tha D-r. Grozdanova.

Ndryshe, aktualisht kompanitë “Pfizer”, “Moderna”, dhe “AstraZeneka” janë në fazën përfundimtare, gjegjësisht po presin miratimin për përdorim të vaksinës.

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending