Showbiz
Ndërron jetë në moshën 50-vjeçare bateristi i “Foo Fighters”, Taylor Hawkins
Bateristi i “Foo Fighters”, Taylor Hawkins, ka ndërruar jetë sipas një konfirmimi të bërë nga grupi në rrjetet sociale të premten mbrëma.
“Familja Foo Fighters është e shkatërruar nga humbja tragjike dhe e parakohshme e të dashurit tonë, Taylor Hawkins. Shpirti muzikor dhe e qeshura e tij do të jetojnë me të gjithë ne përgjithmonë”, tha grupi në një deklaratë.
“Zemrat e tyre janë me gruan, fëmijët dhe familjen e tij dhe kërkojnë që të respektohet privatësia e tyre në këtë kohë të vështirë”, vijoi më tej deklarata e tyre.
— Foo Fighters (@foofighters) March 26, 2022
Hawkins ishte 50 vjeçar.
Pas themeluesit dhe drejtuesit të “Foo Fighters”, Dave Grohl, Taylor ishte anëtari më i shquar i grupit.
Ai luajti gjithashtu në filmin komedi-horror të publikuar së fundmi nga “Foo Fighters, “Studio 666”.
Taylor Hawkins (Foto: Getty Images)
Aktualisht grupi po bën turne në Amerikën e Jugut dhe do të luante një shfaqje në Bogota, Kolumbi.
Shkaku i vdekjes së Hawkins nuk u bë i ditur akoma. /Telegrafi/
Taylor Hawkins (Foto: Getty Images)