Connect with us

Maqedoni

MPB do të furnizohet me derivat nga kompania e djalit të deputetit të BDI-së

Published

on


Tender i ri milionësh për kompaninë “Pucko Petrol” nga Plasnica. Për një milion e treqind mijë euro, në dy vitet e ardhshme do ta furnizojë Ministrinë e Brendshme me karburant ekstra të lehtë. Marrëveshja u nënshkrua dje dhe e shpallur në Byronë e Prokurimit Publik sot. “Pucko Petrol” është në pronësi të djalit të deputetit të BDI-së, Ismail Jahoski. Sipas dokumenteve, në ankandin elektronik për biznesin milionësh kanë aplikuar pesë kompani. Pra, për një litër karburant ekstra të lehtë, oferta më e lartë ishte 44.06 denarë ndërsa më e ulëta ose ajo e “Pucko Petrol” ishte 43.64 denarë. Me këtë, e mundën konkurrencën për më pak se gjysmë denari. Kompania gjithashtu ka dhënë zbritje për shkak të sasisë së madhe dhe çmimit të lartë.

Byroja e Prokurimit Publik:

“Shuma e zbritjes së aprovuar nga kostot e qarkullimit në përputhje me vendimin e fundit të vlefshëm të Komisionit Rregullator të Energjetikës nga data 27.07.2020 dhe çmimi i arritur në ankandin elektronik më 25.9.2020 është 4.21 denarë”

Ndryshe, sipas Komisionit Rregullator të Energjetikës, çmimi me pakicë i karburantit ekstra të lehta është 50.5 denarë për litër. Zbritja totale e “Pucko Petrol” për Ministrinë e Brendshme është gati 7 denarë. Muajin e kaluar, “Pucko Petrol” nënshkroi marrëveshje me Ministrinë e Brendshme për kuponë të vlefshëm karburanti. Tenderi është në vlerë prej 315 mijë euro. Sipas të dhënave të publikuara nga Byroja e Prokurimit Publik, në shtator, ose vetëm një muaj pasi Ismail Jahoski u zgjodh deputet nga radhët e BDI-së, “Pucko Petrol” fitoi tenderë shtetërorë me vlerë mbi gjysmë milioni euro. Kompania gjithashtu fitoi një tender në Komunën e Çairit, e cila drejtohet nga kuadër i BDI-së. Kjo kompani ka paraqitur një ofertë më të lirë për 68 denarë dhe fitoi tenderin në Çair me vlerë prej 19 mijë euro. Më datën 2 të këtij muaji, “Pucko Petrol” fitoi tender nga komuna e Kisela Vodës ku për 10 mijë euro do t’i furnizojë ata me naftë dhe benzinë. Oferta e tyre është e vetme dhe asnjë kompani tjetër nuk ka aplikuar në këtë tender.

Bojan Stojanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending