Connect with us

Maqedoni

Mosmarrëveshjet Shkup-Sofje, Zaev paralajmëron se nuk do të “lëshohet pe”

Published

on


“BE-ja nuk do të ishte aspak evropiane nëse do të lejojë që gjuha të bëhet pengesë për të ardhmen evropiane të vendit”. Ky është qëndrimi i prerë i zv/kryeministrit për Çështje Evropiane, Nikolla Dimitrov.

Ai i përçoi porosi edhe Sofjes: pa respekt të ndërsjellë, nuk mund të ketë as miqësi mes dy vendeve.

 Nëse BE-ja lejon kjo të bëhet pengesë, nuk do ta meritojë mbiemrin “evropian”. Nuk e di nëse mund të besojmë në një Bashkim Evropian. Nuk ka miqësi, pa respekt të ndërsjellë. Të gjithë që e duan popullin maqedonas për mik, duhet ta pranojnë kush jemi dhe çfarë gjuhe flasim. Flasim gjuhë maqedonase. Askush tjetër në botë, as shtet fqinj apo i largët, as bashkësia ndërkombëtare, sot nuk mund të na përzihet në të drejtën tonë për vetë-përcaktim!”-pohoi Nikolla Dimitrov, Zv/kryeministër për Çështje Evropiane.

Nga ana tjetër, Kryeministri, Zaev tha se përdorimi i gjuhës maqedonase është ndërkombëtarisht i garantuar, në këtë drejtim nuk mund të lëshohet pe, qoftë edhe nëse rrezikojmë fillimin e negociatave me BE-në. Ndërsa u shpreh optimist se do të gjendet zgjidhje për historinë e përbashkët.

Ajo që është propozuar nga ana e tyre, nuk është as fqinjësi e mirë, as vëllazërore e as evropiane. Nëse mbetet ashtu, duhet ta përgatisim popullin tonë maqedonas se ka mundësi të mos mbahet konferenca e parë ndër-qeveritare, që e presim në dhjetor”-tha Zoran Zaev, Kryeministër.

Dimitrov e Zaev me deklaratat e tyre iu kundërpërgjigjën kryeministrit dhe kryediplomates bullgare, Borisov e Zaharieva, të cilët dy ditë më parë thanë se Shkupi nuk mund ta vazhdojë rrugën drejt BE-së, nëse me Sofjen deri më 10 nëntor nuk arrin kompromis për gjuhën maqedonase dhe historinë e përbashkët. Ndryshe, për tejkalimin e dallimeve është paralajmëruar edhe takim mes kryeministrave. Ndërsa komisionet e ekspertëve të dy vendeve do të ulen në tryezë të përbashkët më 15 dhe 16 tetor, në Shkup, për ta diskutuar veçanërisht çështjen e heroit të popullit maqedonas, Goce Dellçev, i cili sipas pretendimeve të politikës dhe historisë së Sofjes ka rrënjë identitare etnike bullgare.

 

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending