Connect with us

Showbiz

Momenti që nuk u vu re deri pas përfundimit të debatit: Melania largoi me forcë dorën nga Donald Trumpi kur ai e shtrëngoi

Published

on

Ky është momenti i vështirë kur Zonja e Parë Melania Trump, u duk sikur me hidhërim largoi dorën e burrit të saj në fund të debatit presidencial të mbrëmshëm.

Twitter shpërtheu me spekulime disa momente pasi çifti u filmuan duke ecur jashtë skenës së bashku në Nashville, Tenesi, shkruan DailyMail.

Pamjet tregojnë se si Melania dhe Jill Biden bashkohen në skenë te burrat e tyre të enjten në fund të debatit të tretë dhe të fundit presidencial përpara zgjedhjeve më 3 nëntor.

Ndërsa Jill Biden përshëndeti burrin e saj Joe me një përqafim të ngrohtë, Melania thjesht qëndroi pranë Trumpit para se të merrte dorën e tij ndërsa kamerat kapnin imazhet e dy çifteve. Por ndërsa çifti Trump u kthyen të dilnin nga skena, Melania u duk se shtrëngoi me forcën dorën nga kapja e burrit të saj dhe u largua prej tij.

Disa orë më vonë, çifti u fotografua duke mbajtur duart gjatë kthimit në Shtëpinë e Bardhë.

Por kjo nuk i ndaloi njerëzit të spekulonin në Twitter për ndërveprimin e çuditshëm.

“Pyes veten nëse Walter Reed ka këshilltarë martesash?”, shkroi me shaka një përdorues i Twitterit, duke iu referuar spitalit ushtarak ku Donald Trump mori trajtim pas diagnozës së tij të coronavirusit.

Një tjetër u shpreh se kënga “Stand By Your Man” nuk mund të ketë qenë një hit i madh në Slloveni – vendi ku lindi Melania.

Para debatit, çifti Trump u fotografuan së bashku për herë të parë që prej testimit pozitiv për COVID-19 tri javë më parë.

Dyshja u panë duke ecur drejt mbështetësve në Aeroportin Ndërkombëtar të Nashville përpara ngjarjes në Universitetin Belmont.

Çifti Trump u kapën për dore në fotografitë që tregonin kthimin e tyre në Washington më vonë të enjten mbrëma.

Dy ditë më parë, Melania u detyrua të anulonte papritmas një paraqitje në fushatën zbgjedhore në Pensilvani pasi ajo ende kishte simptoma të virusit.

Shefi i stafit të saj, Stephanie Grisham, tha se zonja Trump ‘vazhdon të ndihet më mirë çdo ditë pas shërimit të saj’ por kishte një kollë të zgjatur kështu që kishte vendosur të mos udhëtonte “për shkak të kujdesit”.

Në vend të kësaj, ajo bëri paraqitjen e saj të parë pas rikuperimit në debat me një maskë të zezë për fytyrën e cila përputhej me fustanin e saj të zi pa mëngë në mes të gjatësisë.

Jill Biden gjithashtu u maskua, duke veshur një mbulesë me të njëjtin model si fustani i saj me lule.

Disa përdorues të rrjeteve sociale vlerësuan veshjet e grave, ndërsa të tjerët kritikuan Melanian për mos mbajtjen e një maske gjatë rrugës për në ngjarje.

Zonja e parë u fotografua pa një maskë në bordin e Marine One.

Javën e kaluar, Melania Trump njoftoi përmes faqes zyrtare të Shtëpisë së Bardhë detajet rreth betejës së saj kundër Covid-19 dhe zbuloi se djali i saj Baron gjithashtu ishte infektuar nga virusi.

“Për fat të mirë ai është një adoleshent i fortë dhe nuk shfaq asnjë simptomë. Në një mënyrë unë isha e lumtur që të tre e kaluam këtë në të njëjtën kohë në mënyrë që të mund të kujdeseshim për njëri-tjetrin dhe të kalonim kohë së bashku. Ai që atëherë është testuar negativ”, shkroi ajo.

Ajo tha se simptomat e saj ishin ‘minimale’ por e goditën atë menjëherë.

Zonja e Parë shtoi se ajo vendosi të merrte vitamina dhe ushqim të shëndetshëm ndërsa vuante nga virusi, i cili nuk ka shërim të njohur.

Ajo gjithashtu falënderoi mjekun e saj dhe ekipin mjekësor dhe inkurajoi amerikanët që ‘të bënin jetën më të shëndetshme që mund të ishin’ mes pandemisë. /Telegrafi/

Showbiz

Ylli i “Gilligan’s Island”, Dawn Wells ndërron jetë në moshën 82 vjeçare

Published

on

Dawn Wells, e cila luajti Mary Ann Summer, ka ndërruar jetë në moshën 82 vjeçare.

Ajo ka vdekur të mërkurën në mëngjes në Los Angeles nga COVID-19, sipas publicistit të saj.

Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.

Foto: NBC

Për rolin e Mary Ann, ajo mundi 350 aktore të tjera, përfshirë këtu Raquel Welch.

Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.

Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/

Foto: Getty Images

Continue Reading

Showbiz

Nora Istrefi me biznes të ri

Published

on

Këngëtarja e njohur shqiptare, Nora Istrefi, ka korrur ndër vite suksese të mëdha në profesionin e saj.

Ajo përmes rrjeteve sociale ka bërë të ditur se ka hapur një biznes të ri, që është krejtësisht i ndryshëm nga ajo që ka bërë.

Krijuesja e hitit “Anna” ka njoftuar fansat për një studio të re për fotografi, duke qenë se ishte dëshirë e kamotshme.

Nora Istrefi (Foto: Instagram)

Ky është postimi i plotë i artistes Nora Istrefi (pa ndërhyrje):

“Duke mare per baze qe kam perfunduar fakultetin e dizajnit te modes ,gjithemone me mu ka flejt deshira per te bere edhe dicka ma shume se muzika !

Po e nisi kete vit te ri me nje bisnes te vogel qe lidhet ngushte me fushat e mia te jetes ,perkatesisht me fotografine!

Nisur nga vetja dhe Renee, e di qe cdo nene do deshironte nje set fotografik gjate shtatzanise, te foshjnes se posalindur, me foshjen por edhe me komplet familjen !

Jam munduar dhe po mundohem te krijoj skena te bukura me ekipen time, momente te paharushme per me te dashurit tone.. Shpresoj do ju pelqej dhe do gjeni imagjinaten tuaj ne setet tona dhe projektet ne vazhdimësi”. /Telegrafi/

Continue Reading

Showbiz

Vëllai i Dua Lipës feston ditëlindjen e 15-të, këngëtarja i bën një dedikim të veçantë

Published

on

Ditën e sotme (e mërkurë) feston ditëlindjen e 15-të vëllai i këngëtares Dua Lipa, Gjin Lipa.

Artistja shqiptare me këtë rast i ka bërë një dedikim të veçantë, ku ndërkohë ka zgjedhur edhe disa imazhe të tyre të përbashkëta të realizuara ndër vitesh.

25 vjeçarja në fotografitë që zgjodhi përfshihet edhe motra e Duas, Rina Lipa, e cila vite më parë ka bërë debutimin si fashioniste.

Foto: Instagram

“Urime ditëlindjen për vëllain tim të dashur, Gjin Lipa. 15! Ju jeni më qesharaku, më i miri, më i sjellëshmi e më i kujdesshmi dhe jam shumë krenare për ty. Të dua dhe jam shumë me fat të jem motra jote”, ka thënë ajo.

Urimet për të vëllain e Lipës nuk munguan as nga fansat që numëron në rrjete sociale, duke marrë parasysh që vetëm në Instagram ka mbi 57 milionë.

Dua ndërkaq këtë vit ka qenë mjaft aktive me projekte muzikore, madje në mes të pandemisë solli albumin e dytë “Future Nostalgia”.

Albumi u prit shumë mirë dhe thuajse të gjitha këngët janë shndërruar në hite e me miliona klikime në YouTube. /Telegrafi/

Continue Reading

Trending