Connect with us

Maqedoni

Mësimi online nuk do të nisë në shumë shkolla, shkak mungesa e pajisjeve

Published

on


Vitin e ri shkollor me mësim nga distanca nuk do e nisin të gjithë nxënësit dhe mësimdhënësit. Për shkak të gjendjes jo të mirë ekonomike, shumë familje nuk do të kenë mundësi që për fëmijët e tyre të sigurojnë kompjuter, laptop ose smarfon. Me këtë problematikë do të përballen edhe mësimdhënësit. Në shkollën fillore “Kultura” të fshatit Mateç të komunës së Likovës mbi 70 % e mësimdhënësve dhe nxënësve do të mbeten jashtë platformës kombëtare.

“Viti i ri shkollor, shkollën tonë e gjen me këto vështirësi: mungesa e pajisjeve kompjuterike, sinjali i dobët i internetit, gjithashtu vlen të përmendet edhe disa vështirësi lidhur me përdorimin e platformës nacional online. Kemi mungesë të pajisjeve kompjuterike të arsimtarët ku mbi 70 % e arsimtarëve nuk kanë kompjuter nëpër klasa për të realizuar mësimin online. Normalisht edhe te nxënësit, shumica e nxënësve nuk kanë, sidomos kjo është e përfshirë më shumë te nxënësit me raste sociale”, u shpreh Fisnik Arfi, SHFK “Kultura” fsh.Mateç.

Sipas Arifit, në shkollën në fjalë mësojnë mbi 500 nxënës, ndërsa një numër i lartë i familjeve të tyre janë me gjendje jo të mirë ekonomike.

“Ne si shkollë, duke filluar nga drejtori, arsimtarët dhe nxënësit kemi kërkesë deri te Ministria e Arsimit dhe Shkencës që arsimtarët dhe nxënësit të furnizohen me laptop, kompjuter ose tabletë të cilët do të na ndihmojnë për realizimin e mësimit online, ndryshe do të hasim në shumë vështirësi”, Fisnik Arfi, SHFK “Kultura” fsh.Mateç.

Ministria e Arsimit ka bërë të ditur se më 1 Tetor, vitin e ri shkollor më mësim nga distanca nuk do ta fillojnë 40 mijë fëmijë. Për të njëjtit mësimi do të sigurohet nga Televizioni kombëtar dhe duke ua dërguar materialet në shtëpi. Sipas dikasterit të Arsimit, periudha vijuese është shumë e shkurtër që fëmijëve në fjalë tu sigurohet zgjidhje për mësim online.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending