Connect with us

Bota

Mbreti saudit kërkon nga vendet e G20-ës të adresojnë problemet e shkaktuara nga koronavirusi – Alsat

Published

on

Mbreti i Arabisë Saudite në hapjen e samitit të Grupit 20, ka thënë se për shkak të pandemisë së koronavirusit ka pasur tronditje ekonomike dhe humbje sociale, andaj ai u ka bërë thirrje anëtarëve të këtij grupi “që të bëjmë më të mirën për të tejkaluar këtë krizë përmes bashkëpunimit ndërkombëtar”.

Mbreti Salman u bëri thirrje liderëve të G20-ës që të “adresojnë dobësitë e ekspozuara nga kjo krizë dhe në të njëjtën kohë të mbrojnë jetën e njerëzve”.

Pandemia e koronavirusit deri më tani ka lënë të vdekur mbi 1,3 milion njerëz në mbarë botën.

“Ne e kemi për detyrë që së bashku ta trajtojmë këtë sfidë gjatë këtij samiti dhe të japim një mesazh të fortë paqeje dhe sigurie”, tha mbreti saudit.

Mbreti Salman i bëri thirrje liderëve që të ofrojnë mbështetje shteteve të zhvilluara që të koordinohen për këtë çështje. Monarku saudit tha se vendet e G20-ës gjatë këtij viti duhet të injektojnë më shumë se 11 trilionë dollarë në ekonominë botërore, me qëllim që të mbështeten bizneset dhe njerëzit që janë prekur më së shumti nga kriza.

Ai gjithashtu përgëzoi grupin e G20-ës për zgjerimin e mbrojtjes kundrejt vendeve më të prekura nga recensioni botëror, përfshirë edhe vendimin e këtij grupi për të pezulluar pagesat e borxhit për vendet më të varfra të botës deri në mesin e vitit 2021, në mënyrë që këto shtete të mund të përqendrohen në sistemin e kujdesit shëndetësor dhe programet stimuluese.

Mbreti Salman foli në këtë samit përmes një video-konference, për shkak se kufizimeve të vendosura për të frenuar përhapjen e koronavirusit, kanë pamundësuar që ky samit të mbahet në Riad. Arabia Saduite po udhëheqë presidencën e G20-ës për herë të parë.

Megjithatë, Mbreti saudit tha se është i “bindur se samiti i Riadit do të japë rezultate të rëndësishme dhe do të çojë në miratimin e politikave ekonomike dhe sociale që do të rikthejnë shpresën dhe sigurinë për njerëzit në botë”.

Shtetet anëtare të G20-ës përfaqësojnë rreth 85 për qind të prodhimit ekonomik botërore dhe tre të katërtën e tregtisë ndërkombëtare. Në këtë grup bëjnë pjesë ekonomitë më të pasura dhe më të zhvilluara të botës të tilla si Shtetet e Bashkuara, Kina, India, Turqia, Franca, Gjermania, Britania, Brazili, Rusia dhe vende të tjera.

Presidenti rus, Vladimir Putin u tha liderëve të G20-ës se Rusia është e gatshme t’iu ofrojë vaksinën Sputnik V për koronavirus shteteve që kanë nevojë. Moska pretendon se kjo vaksinë është mbi 90 për qind efektive, por për këtë vaksinë ende nuk janë kryer testimet e fazës së tretë.

Presidenti amerikan, Donald Trump po ashtu pritet të marrë pjesë në sesionet virtuale, por është ende e paqartë nëse ai do të flasë në këtë samit. Shumë nga liderët e G20-ës kanë uruar presidentin e zgjedhur, Joe Biden, i cili mposhti Trumpin në zgjedhjet presidenciale amerikane të 3 nëntorit.

Click to comment

Leave a Reply

Your email address will not be published. Required fields are marked *

Bota

Turqi,135 viktima dhe 5,532 raste të reja me COVID-19 – Alsat

Published

on

Turqia raportoi 5.532 raste të reja me Covid-19 dhe 3.233 të shëruar gjatë 24 orëve të fundit, njoftoi Ministria e Shëndetësisë e vendit, transmeton Anadolu.

Numri i përgjithshëm i rasteve në vend tani qëndron në 440.805, ndërsa numri i të shëruarve në 370.825, sipas të dhënave të Ministrisë së Shëndetësisë.

Numri i të vdekurve nga virusi arriti në 12.219, me 135 viktima të reja.

Ndërkaq, mbi 152 mijë teste të tjera janë kryer gjatë 24 orëve të fundit, duke e çuar numrin e përgjithshëm në mbi 17 milionë.

Shifrat gjithashtu treguan se numri i pacientëve në gjendje kritike tani qëndron në 4.121, ndërsa 3,8 për qind vuajnë nga pneumonia.

Ministri turk i Shëndetësisë, Fahrettin Koca, në një postim në Twitter u bëri thirrje njerëzve të ndiqnin udhëzimet e sigurisë, duke thënë se numri i pacientëve në gjendje kritike dhe humbja e jetëve është i dhimbshëm.

Duke filluar nga kjo javë, Turqia ka vendosur orë policore të pjesshme gjatë fundjavës si pjesë e përpjekjeve për të ndaluar përhapjen e virusit.

Continue Reading

Bota

Erdogan: Të ardhmen tonë do ta ndërtojmë me Europën – Alsat

Published

on

Presidenti turk Recep Tayyip Erdogan, siguroi sot se Turqia dëshiron të ndërtojë të ardhmen e saj me Europën, duke pohuar se vendi i tij nuk përshtatet askund tjetër përveçse në Europë.

Presidenti turk u ndal gjatë në marrëdhëniet diplomatike, veçanërisht në lidhje me Europën dhe SHBA-në.

“Turqia i përket Europës!”, theksoi Erdogan.

“Ne nuk e shohim veten askund tjetër përveç Europës. Ne imagjinojmë ta ndërtojmë të ardhmen tonë me Europën”, shtoi më tej ai.

Me këtë mesazh, udhëheqësi turk dëshiron të tregojë gatishmërinë e tij për të rinovuar lidhje të forta me partnerët europianë, duke shtuar se Turqia dëshiron një bashkëpunim më të fortë me miqtë dhe aleatët e saj.

Continue Reading

Bota

Rusia bisedon me Armeninë për zbatimin e marrëveshjes së armëpushimit – Alsat

Published

on

Ministri i Jashtëm rus, Sergei Lavrov dhe ministri i Mbrojtjes, Sergei Shoigu janë takuar në Jerevan me kryeministrin armen, Nikol Pashinian për të biseduar për zbatimin e marrëveshjes së armëpushimit lidhur me luftën në Nagorno Karabak, shkruan REL.

Pashinian citohet të ketë thënë se armenët “gjithmonë e kanë ndjerë mbështetjen e Rusisë” gjatë luftës, përfshirë “mbështetjen” personale të presidentit Vladimir Putin dhe Qeverisë ruse.

Ministri rus i Mbrojtjes, Shoigu i ka thënë Pashinianit se paqeruajtësit rus e vendosur për të monitoruar armëpushimin kanë “mbuluar pothuajse të gjithë territorin” e rajonit të shkëputur azerbajxhanas të Nagorno Karabakut, që prej se më 10 nëntor u arrit marrëveshja e armëpushimit, që u ndërmjetësua nga Rusia.

“Në total prej 23 postblloqesh janë vendosur. Ne po monitorojmë rrugën në Stepanakert”, tha Shoigu, duke iu referuar qytetit më të madh në Nagorno Karabak, që ka më së shumti banorë armenë etnikë.

“Qëllimi ynë kryesor është që të parandalojmë gjakderdhjen”, citohet t’i ketë thënë Shoigu kryeministrit armen, Pashinian.

Në ditët në vijim, ky delegacion i zyrtarëve të lartë rusë, pritet të qëndrojnë edhe në Baku të Azerbajxhanit.

Vizita e delegacionit rus erdhi pasi një ditë më parë, presidenti azerbajxhanas, Ilham Aliyev njoftoi se trupat kanë rimarrë kontrollin e qarkut Agadam, që gjendet në verilindje të Nagorno Karabakut. Rimarrja e këtij qarku, është pjesë e marrëveshjes së armëpushimit.

Agdam dhe shtatë qarqe të tjera të Azerbajxhanit në dhe përreth Nagorno Karabakut, ishin okupuar nga separatistët armenë etnikë, të cilët kanë luftuar me forcat azerbajxhanase që prej fillimit të viteve të 90-ta.

Sipas marrëveshjes së ndërmjetësuar nga Rusia, Azerbajxhani do të marrë nën kontroll të shtatë qarqet, si dhe territoret që forcat azerbajxhanase kanë arritur të marrin në luftimet që nisëm m 27 shtator.

Në luftimet që zgjatën për gjashtë javë, forcat azerbajxhanase kanë arritur të marrin katër qarqe.

Continue Reading

Trending