Connect with us

Maqedoni

Mbillen 15 mijë drunj në sezonin e vjeshtës – Alsat

Published

on

Ndërmarrja Publike “Parqe dhe Gjelbërime” dhe Qyteti i Shkupit vazhdon aksionin për mbjelljen e rreth 15 mijë fidanëve gjatë periudhës së vjeshtës. Bulevardet kryesore të kryeqyteti do të gjelbërohen  me fidanë halorë dhe gjethembajtës, kaçuba, perenë dhe topiarë. Drejtori i “Parqe dhe Gjelbërime”, Ardijan Muça, tha se ka ende qytetarë të pa ndërgjegjshëm që dëmtojnë hapësirat e gjelbëruara, megjithatë u shpreh se numri i tyre sa vjen e zvogëlohet.


Unë e kam një parim në jetën time ,them që ata nuk kanë fuqi të shkulin sa unë kam fuqi të riparoj. Realisht dua të jem i sinqertë, vetëdija është ngritur në maksimum. 01:01 Sot jemi këtu në Brigadën e Dytë Maqedonase, po mbillen rreth 160 dru gjethembajtës. Aksioni do të vazhdojë në të gjithë Qytetin e Shkupit, në të gjitha bulevardet e qytetit të Shkupit, ku janë parapare që të mbillen mbi 15 mijë dru për këtë sezon- deklaroi Ardijan Muça- drejtor NP “Parqe dhe Gjelbërime

Kryetari i Komunës së Çairit, Visar Ganiu, apeloi deri tek qytetarët që të ruajnë hapësirat e përbashkëta dhe të mos dëmtojnë atë që bëhet për të mirën e përbashkët.

Këtu dua edhe një apel, por edhe të falënderohem, për shkak se e shoh se çdo investim që bëhet në hapësirat e gjelbra, mendoj se tani popullata ka një konsideratë më të madhe dhe i ruajnë me shumë kujdes ato zona – tha Visar Ganiu- kryetar i Komunës së Çairit

Ky aksion gjatë ditëve në vazhdim do të përqendrohet në bulevardin “ Nikolla Karev” tek rruga e plastikave, por edhe tek ndarja e korsive para komunës së Çairit.

Përgatiti: Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending