Connect with us

Showbiz

Matthew McConaughey me mesazh për amerikanët përpara zgjedhjeve presidenciale

Published

on

Matthew McConaughey është njëri nga aktorët që ka reaguar përpara zgjedhjeve presidenciale në Amerikë, duke theksuar se njerëzit duhet t’i mirëpresin rezultatet çfarëdo që të ndodhë.

McConaughey, 50 vjeçar, promovoi librin e tij të ri “Greenlights” në “Fox & Friends” të mërkurën dhe foli për moton e tij: “Kur të përballesh me të pashmangshmen, bëhu relativ”.

Duke zbatuar këtë moto në garën midis Presidentit Trump dhe ish-Zëvendës Presidentit Joe Biden, ai tha, “Nuk është e pashmangshme kush do të fitojë”.

Matthew McConaughey (Foto: Getty Images)

Aktori i “Dallas Buyers Club” paralajmëroi fansat që të mos reagonin shumë duke menduar, “Oh, nuk mund ta besoj se kjo ndodhi” dhe të përqendrohen në realitetin e rezultateve.

“Është koha të bëhemi konstruktivë dhe të mos mohojmë faktin e çfarëdo që ka ndodhur dhe të përballemi me situatën”, tha ai për presidentin e ardhshëm.

McConaughey shtoi: “Kushdo që do të jetë komandant i përgjithshëm dhe president i Shteteve të Bashkuara të Amerikës, kjo nuk është diçka, me shpresë, që ne do ta mohojmë ose të jemi në gjendje të argumentojmë”.

“Shpresoj që të jenë zgjedhje të pastra”, deklaroi aktori. “Nga cilado mënyrë që të shkoj shpresoj të jetë e pastër dhe të mos ketë debat”.

Donald Trump dhe Joe Biden (Foto: Getty Images)

McConaughey bëri vërejtje të ngjashme në vitin 2017 në një intervistë televizive me BBC.

Në bisedën e tij me “Fox & Friends”, ai zbuloi se ndërsa disa njerëz në Hollywood nuk ishin dakord me të, reagimi ishte jashtëzakonisht pozitiv.

“Njerëzit që më njohin kuptojnë se për çfarë po flisja”, tha ai.

Ylli i “True Detective” preku gjithashtu përçarjen e ShBA-së dhe mënyrën sesi janë politizuar tema të tilla si pandemia e coronavirusit.

“Ne kemi shumë gjëra të bëjmë si shtet”, shtoin ai.

Për sa i përket kujt do të votojë McConaughey, ai po e mban për vete këtë pjesë. /Telegrafi/

Matthew McConaughey (Foto: Getty Images)

Showbiz

Ylli i “Gilligan’s Island”, Dawn Wells ndërron jetë në moshën 82 vjeçare

Published

on

Dawn Wells, e cila luajti Mary Ann Summer, ka ndërruar jetë në moshën 82 vjeçare.

Ajo ka vdekur të mërkurën në mëngjes në Los Angeles nga COVID-19, sipas publicistit të saj.

Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.

Foto: NBC

Për rolin e Mary Ann, ajo mundi 350 aktore të tjera, përfshirë këtu Raquel Welch.

Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.

Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/

Foto: Getty Images

Continue Reading

Showbiz

Nora Istrefi me biznes të ri

Published

on

Këngëtarja e njohur shqiptare, Nora Istrefi, ka korrur ndër vite suksese të mëdha në profesionin e saj.

Ajo përmes rrjeteve sociale ka bërë të ditur se ka hapur një biznes të ri, që është krejtësisht i ndryshëm nga ajo që ka bërë.

Krijuesja e hitit “Anna” ka njoftuar fansat për një studio të re për fotografi, duke qenë se ishte dëshirë e kamotshme.

Nora Istrefi (Foto: Instagram)

Ky është postimi i plotë i artistes Nora Istrefi (pa ndërhyrje):

“Duke mare per baze qe kam perfunduar fakultetin e dizajnit te modes ,gjithemone me mu ka flejt deshira per te bere edhe dicka ma shume se muzika !

Po e nisi kete vit te ri me nje bisnes te vogel qe lidhet ngushte me fushat e mia te jetes ,perkatesisht me fotografine!

Nisur nga vetja dhe Renee, e di qe cdo nene do deshironte nje set fotografik gjate shtatzanise, te foshjnes se posalindur, me foshjen por edhe me komplet familjen !

Jam munduar dhe po mundohem te krijoj skena te bukura me ekipen time, momente te paharushme per me te dashurit tone.. Shpresoj do ju pelqej dhe do gjeni imagjinaten tuaj ne setet tona dhe projektet ne vazhdimësi”. /Telegrafi/

Continue Reading

Showbiz

Vëllai i Dua Lipës feston ditëlindjen e 15-të, këngëtarja i bën një dedikim të veçantë

Published

on

Ditën e sotme (e mërkurë) feston ditëlindjen e 15-të vëllai i këngëtares Dua Lipa, Gjin Lipa.

Artistja shqiptare me këtë rast i ka bërë një dedikim të veçantë, ku ndërkohë ka zgjedhur edhe disa imazhe të tyre të përbashkëta të realizuara ndër vitesh.

25 vjeçarja në fotografitë që zgjodhi përfshihet edhe motra e Duas, Rina Lipa, e cila vite më parë ka bërë debutimin si fashioniste.

Foto: Instagram

“Urime ditëlindjen për vëllain tim të dashur, Gjin Lipa. 15! Ju jeni më qesharaku, më i miri, më i sjellëshmi e më i kujdesshmi dhe jam shumë krenare për ty. Të dua dhe jam shumë me fat të jem motra jote”, ka thënë ajo.

Urimet për të vëllain e Lipës nuk munguan as nga fansat që numëron në rrjete sociale, duke marrë parasysh që vetëm në Instagram ka mbi 57 milionë.

Dua ndërkaq këtë vit ka qenë mjaft aktive me projekte muzikore, madje në mes të pandemisë solli albumin e dytë “Future Nostalgia”.

Albumi u prit shumë mirë dhe thuajse të gjitha këngët janë shndërruar në hite e me miliona klikime në YouTube. /Telegrafi/

Continue Reading

Trending