Connect with us

Maqedoni

MASH-i aktivizoi platformën kombëtare për mësim online

Published

on


Pesë ditë para fillimit të vitit të ri shkollor, Ministria e Arsimit ka aktivizuar Platformën kombëtare për mësim nga distanca përmes faqes së internetit www.schools.mk. Në të tashmë janë vendosur video udhëzime, doracak dhe përmbajtje të tjera. Nga dikasteri i Arsimit u bëjnë thirrje nxënësve dhe prindërve ta vizitojnë dhe të njoftohen më platformën ditëve në vijim. Nga Ministria thonë se tashmë u kanë dërguar udhëzime të gjitha shkollave për të siguruar fjalëkalimet dhe të njëjtat tu dërgohen nxënësve.

U bëjmë thirrje drejtorëve të shkollave që akoma nuk e kanë bërë këtë të përshpejtojnë procesin dhe t’u dërgojnë nxënësve fjalëkalimet gjatë fundjavës, sepse për disa ditë fillon viti shkollor – thonë nga Ministria e Arsimit.

Platforma kombëtare për mësim nga distanca, sipas trajnuesve, ofron vazhdimësi të procesit mësimor gjatë pandemisë. Gjithashtu paraqet pajisje që do të pasuroj procesin mësimor në kushte normale dhe është e lehtë për ta përdorur.

Unë vlerësoj se nxënësit dhe mësimdhënësit shumë shpejt do të mund ta zotërojnë atë dhe ti vërejnë përfitimet që i ofron platforma. Kjo ka të bëj me krijimin e orëve interaktive nga mësimdhënësit, përcjellje të punës dhe përparmit të nxënësve si dhe komunikim efikas me shërbimin pedagogjik e psikologjik, mësimdhënësit dhe nxënësit e shkollës – deklaroi Marija Velevska, trajnuese kombëtare.

Në aspektin e mësimit kombinues që do të zbatohet nga klasa e parë deri në klasën e tretë kjo platformë ofron mundësi që edhe nxënësit të cilët dëshirojnë të ndjekin mësimin nga shtëpia të kyçen në orë paraprakisht. U jepet një link dhe me klikimin e tij ato do të kyçen direkt në linkun Microsoft Teams dhe u krijohet ndjesia sikur janë në klasë – u shpreh Gilman Osmani Musliji, trajnuese kombëtare.

Gjithashtu, Platforma Kombëtare për mësim nga distanca mundëson që nxënësi përmes telefonit ose kompjuterit ta sheh klasën dhe mësimdhënësin. Mund t’i shfrytëzojë të gjitha materialet audio dhe video të vendosura në platformë dhe të punojë detyrat e shtëpisë. Gjithashtu do të ketë edhe kuize të shpejta, teste dhe përmbajtje të tjera inovative. E njëjta do të funksionoj në 5 gjuhë. Në këtë platformë nxënësit do të mund të propozojnë përmirësim dhe ndryshim të platformës dhe të kyçen në përpunimin e vendimeve që ata i vlerësojnë të përshtatshme për to.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending