Connect with us

Sport

Maradona kalon me sukses operacionin në kokë

Published

on

Bota e futbollit mori një lajm të mirë, pasi Diego Maradona duket se e ka kaluar me sukses ndërhyrjen në tru. Lajmi u konfirmua fillimisht nga zëdhënësi Pibe de Oro, Sebastian Sanchi.

Ndërsa doktor Leonardo Luque, mjeku personal i Maradonës tha se ai do të qëndrojë në spital edhe për 1 javë dhe më pas do të vijojë rikuperimin në shtëpi.

Do të duhet rreth një muaj që ish-futbollisti, tashmë trajner të rinisë aktivitetin normal. “Shkoi gjithçka mirë dhe edema u largua. Maradona u zgjua dhe të gjitha parametrat janë normalë”, thanë mjekët.

Tifozë të shumtë ishin të pranishëm jashtë spitalit në Buenos Aires ku edhe u krye operacioni. Ndërhyrja për të larguar një masë gjaku të mpiksur zgjati rreth 80 minuta dhe kaloi pa komplikacione. Vetëm pak ditë më parë Diego Maradona mbushi 60 vjeç.

Alsat