Connect with us

Maqedoni

LSDM-ja nuk pranon kërkesën për takim liderësh

Published

on


LSDM nuk pranon të ketë takim liderësh për çështjet kontestuese me Bullgarinë. Reagimi i Socialdemokratëve erdhi një ditë pasi kreu i opozitës maqedonase të VMRO DPMNE-së Hristijan Mickoski bëri thirrje për t’u ulur në tryezë liderët e partive parlamentare për të unifikuar qëndrimet kundrejt mosmarrëveshjeve me fqinjin lindor. Zëdhënësja e LSDM-së Bogdanka Kuzeska tregoi qëndrimin e partisë se çështjet e hapura me Bullgarinë duhet të shqyrtohen vetëm në nivel të komisioneve ndërshtetërore, të cilat edhe janë duke funksionuar aktualisht.

 “Hristijan Mickoski nuk do marrëveshje këtë e ka dëshmuar dhe pikërisht për këtë çështje ai nuk ka qëndrim konkret përveçse ka demonstruar sjelljen e tij destruktive në periudhën që lamë pas. Me fqinjin tonë Bullgarinë kemi marrëveshje për bashkëpunim dhe fqinjësi të mirë, e cila është nënshkruar edhe në gjuhën maqedonase. Për temat që dalin nga kjo marrëveshje, shprehim vullnetin që t’i zgjidhim përmes komisioneve përgjegjëse, të cilat gjatë kësaj periudhe janë krijuar për të gjitha çështjet e hapura me Bullgarinë- deklaroi Bogdanka Kuzeska, Zëdhënëse e LSDM-së.

 Nga BDI-ja nuk kemi përgjigje për një takim të mundshëm liderësh për çështjen me Bullgarinë. Ndërkaq, opozita shqiptare kërkon të kyçet në çdo proces që ndërlidhet me rrugën euro-atlantike. Nga Koalicioni ASH-Aleternativa thonë se do të ulen në tryezë të liderëve, por me një kusht.

 “ Vlerësojmë se kjo çështje nuk iu takon ekskluzivisht vetëm dy subjekteve politike maqedonase, por e shohim si një proces inkluziv meqë ndërlidhet me aspektin e euro-integrimeve. Nëse do të kishte një takim të tillë, ne si koalicion do ta kishim hapur edhe temën e karakterit të brendshëm, d.m.th heqjen e 20%-it dhe zëvendësimin me gjuhën shqipe sepse jemi të interesuar për të krijuar një kohezion politik të brendshëm rreth kësaj çështje- tha Flakron Bexheti, Zëdhënës i ASH-së.

Jo më larg se dje, Zëvendëskryeministri për çështje Evropiane Nikolla Dimitrov ri përsëriti qëndrimin e shefit të tij Zoran Zaev se Bullgaria pritet të vërë veto ndaj fillimit të negociatave tona të pranimit me Bashkimin Evropian. Dimitrov tha që nëse kontestohet gjuha dhe identiteti maqedonas si kushte të fqinjit lindor është e mundur të mos mbahet konferenca ndërqeveritare midis Shkupit dhe Brukselit, e cila ishte paraparë për në muajin dhjetor.

Gazetar: Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending