Connect with us

Maqedoni

Likovë, të rinjtë kërkojnë transportin publik

Published

on


Rinia e Komunës së Likovës kërkon nga autoritetet ta vënë në funksion transportin publik që lidhin me qytetin e Kumanovës. Transporti privat përveç që u kushton shumë, i merr edhe kohë të konsiderueshme nga përditshmëria e tyre.

“Komuna e Likovës përveç që ndërlidhet me Kumanovën në sferën administrative, shëndetësore dhe arsimore është shumë e nevojshme që të lidhet me transport publik të organizuar. Ky transport do të ndihmonte në kryerjen e këtyre shërbimeve sa më të shpejtë, lehtë dhe të saktë. Kjo do të ndihmonte edhe në ruajtjen e cilësisë së ajrit dhe do të reduktonte përdorimin e automjeteve private ”.  

“Jemi të detyruar të presim me orë të tëra. Përveç që na shkakton lodhje fizike, na e humb edhe kohën. Kur ke një orar të caktuar dhe duhet arritur në kohë, duhet organizuar me persona të tjerë dhe shumë orë me herët në do të arrish në kohë”.

Kryetari i Komunës së Likovës, Erkan Arifi thotë se projektet si fillim janë përqendruar në përmirësimin e infrastrukturës komunale. Arifi kërkon përkrahjen e pushtetit qendror për t’i kthyer në funksion linjat ndër-urbane.
“Ne bëjmë përpjekje maksimale që të gjejmë zgjidhje dhe një gjë e tillë duhet zgjidhur. Për momentin jemi fokusuar maksimalisht në infrastrukturën e Komunës së Likovës, rrugët regjionale dhe ujësjellësin si projekte jetike për banorët. Njëkohësisht bëjmë analiza të hollësishme dhe duke pasur parasysh edhe kompetencat që i kemi. Ministria e Transportit dhe Lidhjeve duhet të gjejë një zgjidhje të pranueshme për qytetarët”.

Nga Ministria për Transport dhe Lidhje thonë se ekziston projekt për të cilin është duke u punuar dhe pas përfundimit të tij do të konsultohet edhe me autoritetet lokale për ta vënë në funksion transportin publik. Për momentin në Komunën e Likovës funksionojnë pak linja private në fshatra të caktuar të cilët lidhin zonën e Likovës me qytetin e Kumanovës.  

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending