Connect with us

Bota

Liderët botërorë: Problemet globale, kërkojnë bashkëpunim global

Published

on


Gjatë kohës së sesionit të posaçëm të OKB-së, me rastin e shënimit të 75 vjetorit të ekzistimit të kësaj organizate, liderët botërorë ranë dakord se nevojitet bashkëpunim më i fortë, veçanërisht përballë problemeve globale, siç është pandemia e koronavirusit.

Kancelarja gjermane Angella Merkel deklaroi se KB-ja pas Luftës së Dytë Botërore mori pjesë në krijimin e rendit të ri botëror dhe komunitetit për ruajtjen e paqes dhe së ardhmes. Kancelarja, megjithatë, theksoi se shumë shpesh KB-ja kishte për të mbetur prapa idealeve të saj, pasi interesat individuale të shteteve anëtare herë pas here pengonin që urdhëri të funksiononte në mënyrën që fillimisht ishte paramenduar. Ajo theksoi se ata që besojnë se mund të bëjnë më mirë, vetë gabojnë.

“Bota jonë është diçka që ne ndajmë, si dhe vuajtjet tona. Ne jemi një botë”, tha Merkel.

Ajo u përqëndrua në pandeminë e Kovid-19 dhe tha se ky është një nga shembujt që tregon se problemet globale kërkojnë bashkëpunim global përtej kufijve kombëtarë dhe në të gjitha nivelet.

KB-ja mund të jetë efektive vetëm kur anëtarët e saj janë të bashkuar, veçanërisht kur bëhet fjalë për çështjet më të rëndësishme të sigurisë, të tilla si situata në Libi dhe Siri, tha kancelarja gjermane. Ajo shtoi se ne duhet të bëjmë gjithçka që është në fuqinë tonë për të gjetur zgjidhje të përbashkët dhe që KB-ja duhet të vazhdojnë të evoluojnë për të qenë në gjendje të përgjigjet ndaj sfidave globale të shekullit 21.

Mbreti i Spanjës Filipi VI, shprehu mirënjohje për ekzistencën e KB-së, si dhe mirënjohje për të gjithë ata pa të cilët kjo organizatë nuk do të ekzistonte dhe për të gjithë ata që morën pjesë dhe po marrin pjesë në realizimin e misionit të saj.

Mbreti tha se nevojitej unitet dhe bashkëpunim më i madh mes kombeve, siç dëshmohet nga pandemia e Kovid-19, me të cilën bota po lufton.

Spanja, shtoi mbreti, do të mbetet e përkushtuar për zhvillimin e qëndrueshëm, mbrojtjen e mjedisit, luftën kundër terrorizmit, mbrojtjen e më të rrezikuarve dhe përmirësimin e jetës së njerëzve si tërësi, duke ndihmuar që vizioni i KB-së të bëhet realitet.

Paraprakisht në seancë, kryetari i Këshillit Evropian, Sharll Mishell, vlerësoi se sfidat e së ardhmes nuk janë të njëjtat sot, si ishin 75 vjet më parë, kur u themeluan Kombet e Bashkuara, dhe se këto sfida kërkojnë angazhimin tonë të plotë dhe luftën për vlera universale.

Siç tha, ai është njëkohësisht politikan dhe qytetar i shqetësuar për të ardhmen e planetit dhe do të dëshironte t’u siguronte fëmijëve të tij dhe të tjerëve liri dhe respekt, një botë pa diskriminim, si dhe qasje në ujë dhe pyje, për të “hapur krahët e tyre”.

Presidenti kinez Si Xhinping tha se pandemia e Kovid-19 është sfidë e madhe për njerëzimin dhe për shkak të realitetit të ri, bota duhet të marrë në konsideratë atë që KB-ja kërkon për botën në epokën post-pandemike.

Siç tha ai, të gjithë duhet të punojmë së bashku për të garantuar siguri, gjë që është e domosdoshme.

Presidenti francez Emanuel Makron tha se shumë ndërtues të paqes kanë premtuar të punonin për KB-në në nivele të ndryshme.

Siç tha ai, ekziston angazhim dhe nevojë për t’u përballur me realitetin.

Click to comment

Leave a Reply

Your email address will not be published. Required fields are marked *

Bota

G7 shton kontributin për programin global të vaksinimit – COVAX – Alsat

Published

on

Udhëheqësit e G7-ës janë zotuar të rrisin bashkëpunimin për të luftuar pandeminë dhe të shtojnë kontributin e tyre në kuadër të programit global COVAX për shpërndarjen e vaksinave kundër COVID-19. Në një deklaratë të përbashkët të lëshuar pas një samiti virtual të mbajtur të premten (19 shkurt), udhëheqësit e G7-ës shpallën zotimin për ndarjen e 7.5 miliardë dollarëve.

Vendet e pasura janë nën presion për të siguruar vaksina edhe për vendet e varfëra.

Presidenti amerikan, Joe Biden, ka premtuar 4 miliardë dollarë ndihmë në kuadër të këtij fondi. Më 2021 do të dhurohen 2 miliardë, ndërsa gjatë dy viteve të ardhshme dy miliardë të tjera. Kancelarja gjermane, Angela Merkel tha se vendi i saj do të ndajë 1.2 miliardë dollarë shtesë.

“Pandemia nuk mbaron derisa të gjithë njerëzit në botë të vaksinohen”, u tha ajo gazetarëve. Edhe Bashkimi Evropian ka premtuar se do të shtojë kontributin.

COVAX është një projekt global për blerjen dhe shpërndarjen vaksinave për së paku 20 për qind të popullatës së rrezikuar në secilin vend.

Plani është hartuar për t’iu mundësuar vendeve të varfra të arrijnë hapin në vaksinim, përballë vendeve të pasura.

Vendet e G7-ës janë Shtetet e Bashkuara, Gjermania, Japonia, Britania, Franca, Kanadaja dhe Italia.

Sipas të dhënave të Universitetit Johns Hopkins, me seli në SHBA, deri më tani, të paktën 110 milionë njerëz janë infektuar me koronavirusin e ri dhe më shumë se 2.4 milionë kanë vdekur në gjithë botën.

Continue Reading

Bota

Danimarka forcon kufizimet në kufirin gjerman – Alsat

Published

on

Danimarka do të shtrëngojë kufizimet e saj në kufirin gjerman, pas rritjes së rasteve COVID-19 në një lokalitet në kufi me mbretërinë skandinave, njoftoi sot Ministria daneze e Drejtësisë.

“Për shkak të situatës epidemiologjike në Flensburg (Gjermania veriore), qeveria ka vendosur të rrisë përpjekjet e saj në kufirin Danimarkë-Gjermani, ku policia, ndër të tjera, do të mbyllë një numër vendkalimesh kufitare dhe të kalojë përmes kontrollit të kufirit të intensifikuar në mënyrë të konsiderueshme”, tha ministria në një deklaratë, raporton ATSh.

Që nga mesnata e së shtunës (ora lokale), autoritetet do të mbyllin një duzinë postash kufitare.

Në Gjermani, me të cilën mbretëria ndan gati 70 kilometra kufij tokësorë, kryetarja e Flensburgut, Simone Lange, tregoi se të gjitha infektimet e reja të zbuluara në qytetin e saj ditët e fundit, pra 80, kanë të bëjnë me variantin B.1.1.7 të virusi, që u shfaq në Britaninë e Madhe dhe që konsiderohet të jetë më ngjitës.

Si rezultat, banorët do t’u nënshtrohen kufizimeve më të ashpra me zbatimin e një ndalimqarkullimi nate nga e shtuna, fillimisht për një javë.

Continue Reading

Bota

CNN: Të harruar nga BE, vendet e Ballkanit mbështeten në vaksinën ruse dhe kineze – Alsat

Published

on

CNN i ka kushtuar një analizë të gjatë çështjes së vaksinës dhe faktit që ende nuk është shpërndarë në shumë vende të botës, duke përfshirë këtu dhe Ballkanin Perëndimor.

Në një kohë kur Mbretëria e Bashkuar po feston se 15 milionë persona kanë marrë dozën e parë, ndërsa në BE janë shpërndarë 23 milionë vaksina, shumë vende të tjera europiane nuk kanë marrë asgjë.

Kosova, Mali i Zi dhe Bosnje Hercegovina janë ende në pritje të ngarkesave të para, ndërsa në Shqipëri dhe Maqedoninë e Veriut procesi i vaksinimit deri në këto momente ka qenë i limituar.

Vendet e Ballkanit Perëndimor konsiderohen aleatë kyçë dhe anëtarë të mundshëm në të ardhmen të Bashkimit Europian, por janë lënë jashtë nga plani i bllokut për furnizimin e menjëhershëm me vaksina.

BE ka siguruar deri në këto momente 2.3 miliardë doza vaksina dhe ka premtuar se do të ndajë disa prej tyre me vendet e tjera. Gjithashtu ka caktuar një fond prej 85 milionë dollarësh për rajonin e Ballkanit Perëndimor për të blerë vaksina në një të ardhme, por në një kohë kur shpërndarja ka qenë e ngadaltë dhe me vonesa, këto vende janë akoma në pritje.

Dhe si vende relativisht të pasura, të paktën në kontekstin global, këto vende nuk janë gjithashtu përparësi në programet e hartuara për të ndihmuar vendet më të varfra të botës.

Ato janë bërë pjesë e programit COVAX, i cili ka si qëllim të bëjë më të barabartë aksesin te vaksinat për të gjithë botën, por furnizimi i kufizuar i skemës nënkupton që fokusi i saj kryesor janë 92 vende me të ardhura të ulëta dhe të mesme që nuk mund të përballojnë vaksinat pa financim dhe vendet e Ballkanit Perëndimor nuk janë ndër ato. Si anëtare me vetëfinancim në COVAX, ato do të marrin 850,000 doza të vaksinave të ndryshme, por se kur këto mund të mbërrijnë është e ende paqartë.

Përballë një pritje të gjatë, Serbia mori kontrollin e situatës dhe kërkoi vaksinat diku tjetër. Kina dhe Rusia ishin gati të ndihmonin. Qeveria serbe deri në këto momente ka marrë nga Kina 1.5 milionë doza të vaksinës Sinopharm, duke e katapultuar vendin prej 7 milionë banorësh në krye të garës globale të vaksinimit. Sipas të dhënave zyrtarë rreth 1 milionë qytetarë janë vaksinuar kundër Covid-19 në Serbi që 19 janari, kur nisi dhe zyrtarisht vaksinimi.

Ditët e fundit, Serbia ka ndihmuar dhe disa nga vendet fqinje si Maqedonia e Veriut dhe Mali i Zi, duke iu dhënë atyre dhe disa sasi simbolike vaksinash. Ndërkohë, Bashkimi Europian ka premtuar se do ta ndihmojë rajonin me blerjen e vaksinave antiCovid, por pa dhënë detaje.

Continue Reading

Trending