Connect with us

Business

Legalizimi i parave të zeza, vështirë i realizueshëm – ALSAT-M

Published

on


Legalizimi i parave të zeza të mbajtura larg nga rrjedhat financiare, vështirë se mund të realizohet, tha ish-Ministri i Financave Xhevdet Hajredini. Për këtë temë nuk duhet të ketë debat sepse vetëm vullneti politik mund të vendosë nëse paratë e nxjerra në mënyrë të paligjshme jashtë vendit duhet të lejohen të investohen në vend.

Unë mendoj se është një përsëritje e një slogani shumë joshës dhe populist. Kjo nuk bëhet me debate. Nuk e di nëse këta njerëz të rinj i mbajnë mend debatet publike që i paralajmëronin regjimet komuniste. Bërja e debateve për të gjithë qytetarët nuk mund të jetë punë e të gjithë qytetarëve, kjo është vullnet politik i atyre që janë në pushtet – tha Xhevdet Hajredini – ish Ministër i Financave.

Sipas kryeministrit Zoran Zaev, bëhet fjalë për 1.5 miliardë euro, para që janë jashtë qarkullimit financiarë në vend. E ashtuquajtura amnisti e kapitalit të nxjerrë nga Maqedonia është  çështje që zvarritet për vite të tëra. Për mundësinë që biznesmenët nga vendi të kthejnë paratë që mbajnë jashtë, u propozua tatim i njëhershëm ose minimal, por kjo ide mbeti e parealizuar. Në opinion kishte mendime të ndryshme nëse kapitali i fituar në mënyrë të paligjshme duhet të hyjë në vend apo jo. Amnisti kapitale ka në Itali që nga viti 2009 dhe për katër vjet, për aq kohë sa ishte në fuqi kjo mundësi, u kthyen 80 miliardë euro të mbajtura jashtë vendit. Kjo është bërë edhe në Gjermani, e cila kapitalin e këtillë e ka tatuat me normë prej 25%, ndërsa në Bullgari amnistia financiare është e garantuar me kushtetutë.

Andrea Çobanova

 

Alsat