Connect with us

Showbiz

Kylie dhe Kendall Jenner ndeshen fizikisht në episodin e ri, ndërsa Kim Kardashian thërret sigurimin

Published

on

Kylie dhe Kendall Jenner u përleshën seriozisht fizikisht, duke bërë që Kim Kardashian të thërriste sigurimin në episodin e së enjtes në “Keeping Up With the Kardashians”.

Kendall, 24 vjeçe, akuzoi Kylien, 23 vjeçe, se ‘kishte vënë thembrën në qafë’ gjatë përleshjes, duke i çuar motrat të betoheshin se ‘kurrë nuk do të flisnin më me njëra-tjetrën’, shkruan DailyMail.

Kim, 39 vjeçe, mund të dëgjohej duke bërtitur: “Është një urgjencë! Shkoni merrni Kendallin!”, ndërsa dëgjonte motrat e saj duke u grindur në një automjet tjetër.

Grindja ndodhi sepse Kendall ishte mërzitur që Kylie mori veshjen e saj gjatë largimit të familjes në Palm Springs, Kaliforni.

Kendall i bërtiste Kyliet me të shara, njashtu edhe të dashurit të nënës së tyre, Corey Gamble, 39 vjeç, i cili po udhëtonte me ta.

“Ndal, ndalo, ndalo!”, bërtiti Corey kur grindja mes motrave filloi.

“Ne duhet të shkojmë të marrim Kendallin!”, i tha Kim shoferit të saj.

“Ku janë ato? Kjo është çmenduri!”, bërtiti Khloe, ndërsa Kendall i tha Kyliet: “Ti ma vure thembrën në qafën time!”.

“Kjo është arsyeja që ju më përplasët!”, bërtiti më pas Kylie.

Në një rrëfim, Khloé kujton, “Ne vetëm po dëgjojmë të bërtitura të shumta. Ne as nuk mund të kuptojmë se çfarë po ndodh, dhe kjo tingëllon me të vërtetë çmenduri”.

Lufta ishte një moment i tmerrshëm për të gjithë familjen, jo më pak për Kris Jenner, 64 vjeçe, e cila sapo kishte parë tri vajzat e saj: Kim, Kourtney dhe Khloé duke u grindur në një episod të fundit të “KUWTK”.

Kështu, nëna e vajzave Kardashian-Jenner, Kris vendosi të organizojë një udhëtim familjar në ‘vendin e lumtur të të gjithëve’, në shtëpinë e saj të pushimeve në Palm Springs, për të siguruar që të gjitha vajzat e saj ishin mirë. /Telegrafi/