Connect with us

Maqedoni

Kuvend, opozita ankohet për anashkalimin e shqipes

Published

on


Deputetët shqiptarë të opozitës vlerësojnë se ligji për përdorimin e gjuhëve nuk gjen zbatim të plotë në Kuvend. Në ditën e fundit të mundësisë për parashtrimin e amendamenteve për propozim-ligjin për rishikimin e buxhetit, deputetët edhe pas fillimit të seancës, nuk e kishin matrialin në shqip. Ata ankohen se pse institucionet kompetente lejohen të procedojnë në Kuvend propozim-ligje ose ndryshime vetëm në gjuhën maqedonase.

“Duhet të sanksionohet Qeveria, duhet të sanksionohen ministritë përkatëse, duhet të sanksionohet Kuvendi bashkë me kryetarin pse lejon të pranohen dokumentet vetëm në një gjuhë. Imagjinoni 45 propozim-ligje dërgon ministri i Financave që është shqiptar, 15 dërgon ministri i Ekonomisë që është përsëri shqiptar, të gjitha vetëm në gjuhën maqedonase”, tha Skender Rexhepi, Koordinator i grupit parlamentar ASH-AAA.

Nga Kuvendi thonë se propozim-ligjet dhe ndryshimet si dhe materialet e tjera janë përkthyer gjithmonë edhe në gjuhën shqipe. Për mediat, kryeparlamentari Talat Xhaferi, ditë më parë tha se Kuvendi nuk neglizhon përdorimin e shqipes.

“Ka ligje që janë të reja, nuk janë ndryshime. Përkthehet pjesa materiale për atë çfarë rregullon ligji i ri dhe arsyetimet në fund çfarë rregullon ky ligj i ri që miratohet në Parlament. Për këtë çështje, unë nuk pajtohem se Parlamenti neglizhon përdorimin e gjuhës shqipe”, u shpreh Talat Xhaferi, kryetar i Kuvendit.

Opozita shqiptare, ditë më parë, reagoi edhe për faktin që në faqen elektronike të Kuvendit, gjatë transmetimit të seancave, fjalimet e tyre përkthehet dhe transmetohen vetëm në maqedonisht.

Ligji për përdorimin e gjuhëve i cili hyri në fuqi në janar të 2019 shkruan që në institucionet e pushtetit shtetëror, që gjuhë zyrtare krahas gjuhës maqedonase dhe alfabetit të saj është edhe gjuha të cilën e flasin të paktën 20% e qytetarëve.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending