Connect with us

Shendetsi

Kush ka frikë tani është i ndershëm! – ALSAT-M

Published

on

Prof. Dr. Jürgen Hoyer është profesor i psikoterapisë në Universitetin Teknik të Drezdenit. Në fokus të studimeve të tij janë psikoza e frikës dhe depresioni.


Bota në gjendje të jashtëzakonshme për shkak të Coronës. Njerëzit i hedhin sytë me shqetësim nga e ardhmja. Të kesh frikë tani është e natyrshme, thotë psikoterapisti, Jürgen Hoyer që edhe karantinën e sheh si një shans.

Kriza e Coronës na e bën të qartë, se jemi futur në një kohë të rrezikshme: jeta publike është e kufizuar, kufijtë janë mbyllur, vendet shpallin gjendjen e jashtëzakonshme, fëmijët nuk po shkojnë në shkollë. Mes europianëve është përhapur panik dhe frikë. Si e interpretoni ju këtë moment?

Jürgen Hoyer: Frika e drejton vëmendjen e njeriut tek rreziku. Pra është e natyrshme që njerëzit tani kanë frikë. Kësaj i shtohet një frikë difuze, e papërcaktuar qartë, sepse nuk e dimë si do të vazhdojë gjendja. Një frikë genuine e njeriut është frika nga e panjohura. Ne nuk e dimë, se sa kohë do të zgjasë kjo, se cilat do jenë pasojat, që do të sjellë kriza. Pra është ajo ndjenja e pafuqisë që na bren, kur nuk kemi më kontrollin si njeri. Kjo sjell më shumë frikë.

Si të veprosh që ta përballosh frikën në raste krizash?

Nuk ka ndonjë truk që e heq si me magji këtë emocion, sepse kjo do të thotë, që të mohosh realitetin. Kush ka frikë tani, thjesht është i ndershëm. Mënyra më e mirë është të thuash: frikën e kam, më vërdalliset një lëmsh, po çfarë do të thotë kjo konkretisht? Sepse frika ka të njëjtën ecuri si emocionet e tjera: vijnë dhe ikin sërish. Në javët e ardhshme nuk do të kalojë asnjë ditë, në të cilën nuk do ketë shqetësime, se si do të kalojë kjo situatë me Coronën e si do të jetë gjendja pas kësaj. Pasojat nuk dihen – gjërat nuk do të jenë më si më parë. Natyrisht që në një situatë të tillë je i shqetësuar.

Por dikur vëmendja automatikisht drejtohet tek gjëra të tjera. Në fund të fundit bota nuk po fundoset. Natyra është aty, shtëpia, makina. Absolutisht që ka një rrezik – por ai nuk rrezikon gjithçka e çdo gjë, por aspekte të caktuara të jetës.

Përditë ka raste vdekjeje për shkak të sëmundjes së mushkërive të shkaktuar nga Corona. Mendimet vërtiten rreth vdekjes këto kohë. Një temë e vështirë për të biseduar apo jo?

Njerëzit që bëjnë pjesë në grupet e rrezikut duhet të kenë kujdes, që të mos infektohen. Personat në moshë të madhe për shkak të mosfunksionimit si duhet të sistemit imunitar dhe organave kanë një rrezik më të madh për të ndërruar jetë. Të afërmit nuk duan që ta përjetojnë këtë dhe për këtë vërtet, që mund të bisedohet. Vdekjes si temë vërtet që njerëzit i ikin dhe ajo trajtohet si tabu. Por askush nuk ka vdekur, se ka vrarë mendjen për vdekjen.

Shumë vetë tani punojnë nga shtëpia, dhe kanë reduktuar kontaktet sociael, për të ngadalësuar përhapjen e virusit. Cilat rekomandime keni ju që distanca sociale dhe karantina të mos kthehen në shkatërruese për njeriun?

Ky është një shans për të improvizuar dhe për të qenë kreativë. Duhet të reflektosh, se cilat punë vërtet kanë kuptim këto kohë. Ajo që mund të bëhet tani është sporti. Edhe në karantinë mund të bësh lëvizje. Kush ka dëshirë të lexojë apo të studiojë gjëra të ndryshme mund ta bëjë këtë tani. Interneti funksioni, me smartphone mund të mbash kontaktet me njerëzit. Ka shumë gjëra të tjera që mund të bësh, jo vetëm të shohësh serialë para televizorit. Gjërat që nuk i ke kryer në të shkuarën mund t’i bësh këto kohë. Karantina është moment i mirë psh. për të bërë deklarimin fiskal.

A mundet që një pandemi si Corona të shkaktojë edhe probleme psikologjike?

Frika afatshkurtër nuk ka pasoja në shëndetin e njeriut. Por reduktimi i aktiviteteve fizike apo të aktiviteteve të tjera janë të dëmshme për njerëzit që kanë një tendencë depresive apo një tendencë melankolie, mbylljeje në vetvete, apatie apo humbjen e interesit. Për këta njerëz ky izolim nuk është i mirë. Edhe këtu vlen ajo që thashë më parë. Mundësisht qëndroni sa më aktivë. Edhe brenda katër mureve ka shumë gjëra të mira që mund të bëhen. Më e bukura në jetë është një bisedë e mirë, dhe kjo mund të bëhet në çdo kohë edhe në karantinë.

DW

Click to comment

Leave a Reply

Your email address will not be published. Required fields are marked *

Shendetsi

Dyndje para Gjykatës Civile në Shkup, qytetarët presin me orë të tëra për një dokument

Published

on

Dyndje të qytetarëve para Gjykatës Civile në Shkup janë bërë sot për të siguruar një dokument.

“Të paktën një metër rrini larg!
Vetëm neve na shtynë një metër a këta qëndrojnë këtu.
Mos u shtyni!
T’i a mos je më i mençuri nga të gjithë këtu sot?
Unë!
Po ju.
Unë për herë të parë po flas.

Radhë nuk po mund të mbajnë as gardianët, durimi i qytetarëve ka arritur kulmin dhe secili shtyhet për të hyrë brenda godinës. Në çdo fillim vit qytetarët që gëzojnë të drejtën e ndihmës për fëmijën e tretë, duhet të rinovojnë dëshminë se nuk e kanë humbur të drejtën e atësisë. E njëjta ka një afat kohor që të dorëzohet nëpër komunat përkatëse për të mos e humbur ndihmën financiare.

“Përderisa këtu rekomandimet po shkruajnë që distanca mes njerëzve duhet të mbahet 2 metra për shkak të masave anti kovid, radhë të gjata po vërehen këtu para Gjykatës Civile në Shkup”.

Qytetarët thonë se këto telashe janë paraqitur nga e hëna dhe pritjet janë më shumë dy orë secili.

“Kjo është katastrofë, ky kurrë s’ka qenë shtet dhe as që do bëhet ndonjëherë”.

“Duhet të na sjellin në shtëpi përmes postës e jo të na maltretojnë këtu të grumbullohemi, ashtu do ishte më lehtë përmes adresës dhe nuk do kishim rrezik nga infeksionet e virusit korona”.

“Aspak nuk është në rregull, shihe sa shumë popullsi ka këtu a brenda punojnë dy sportele megjithëse mbi 20 sportele tjera janë bosh. Edhe pse janë në orar të punës nuk iu ndihmojnë kolegëve të heqin kallaballëkun. Nuk është aspak në rregull”.

Kjo zonjë tha se radhën po e pret për nipin e saj, por aspak nuk pajtohet me trajtimin që po u bëhet.

“Ja po e sheh sa po mbajmë distancë, jemi të ngjitur njëri pas tjetrit, sportelet nuk punojnë atje. Hynë pa rend, i lëshojnë të tjerët vetëm se kanë njohur brenda, a ne do të presim këtu. Ja kjo është!”.

Nga Gjykata Themelore Civile Shkup thonë se stafi administrativ janë duke punuar me reduktime për shkak të rekomandimeve shëndetësore të mos përhapjes së virusit korona. Por, rregulli nuk po zbatohet edhe jashtë, ku qytetarët nuk mbajnë distancë dhe policia nuk është në gjendje të mbaj rendin.

Adnan Qaili

 

 

 

 

 

 

 

 


Continue Reading

Shendetsi

Aziri: Slogani “një shoqëri për të gjithë” vetëm farsë, në esencë jeni nacionalistë

Published

on

Deputeti i ASH-së Elmi Aziri sot kritikoi ashpër pushtetin aktual të udhëhequr nga LSDM-ja duke theksuar se slogani i kësaj partie “një shoqëri për të gjithë” është vetëm farsë dhe se në fakt kjo parti ka qenë dhe mbetet nacionaliste. Këto komente Aziri i bëri derisa iu përgjigj ministrit të brendshëm i cili kohë ë parë sipas tij ka deklaruar se opozita shqiptare nuk di se çfarë kërkon s ai përket ligjit për shtetësi.
“Ministri i Brendshëm dje përsëriti qëndrimin e tij se ne nuk dimë çfarë kërkojmë me ligjin për shtetësinë. Jo ministër, ne gjithsesi se e dimë se çfarë kërkojmë. Ne kërkojmë të drejtën themelore të çdo njeriu për shtetësi, ndërsa ju po udhëheqni një fushatë anti të drejtave të njeriut si duket të trashëguar nga sistemi i kaluar. Ne duam të heqim definicionet shovene që ekzistojnë në ligjin ekzistues. Për ne sot në RMV janë dy gjuhë zyrtare në pushtetin qendror ndërsa në atë lokal më shumë se dy gjuhë. Ndërsa ju duhet të respektoni ligjin për përdorimin e gjuhëve. Ne duam të nxjerrim nga sirtari këto qytetarë që ju i keni mbyllur dhe që çdo ditë ua vrisni perspektivën”, deklaroi Elmi Aziri, deputet i ASH-së, duke theksuar se slogani një shoqëri për të gjithë është vetëm farsë, për të shfrytëzuar për marrjen e votës ndërsa në esencë ngeleni nacionalistë.


Continue Reading

Shendetsi

Si të dalloni nëse tashmë keni kaluar coronavirusin

Published

on

Mënyra më e qartë për të kuptuar nëse keni pasur coronavirus është të bëni një test të antitrupave, megjithatë, ato nuk janë plotësisht të besueshme.

Dr. Dan Bunstone, kryeshefi mjekësor në Push Doctor tregon se si të dalloni nëse e keni pasur tashmë coronavirusin.

Nëse keni pasur simptoma të zakonshme – temperaturë të lartë, kollë të re të vazhdueshme dhe një ndryshim në shqisën tuaj të nuhatjes ose shijes – por nuk keni pasur një test për të kontrolluar, një test i antitrupave mund të jetë i dobishëm, shkruan Express.co.uk.

Dr. Bunstone tha: “Testet e antitrupave ekzistojnë, por nuk janë gjerësisht të disponueshme pasi ato vetëm do t’ju tregojnë se mund të keni pasur COVID-19 në ndonjë moment në të kaluarën. Ato nuk tregojnë kur keni pasur infeksionin, nëse tani jeni imun ndaj COVID-19, ose në të vërtetë sa kohë do të zgjasë ndonjë antitrup”.

Dr. Bunstone vuri në dukje se thjesht të dish që ke pasur virusin mund të jetë i dobishëm nga një perspektivë kurioziteti, por nuk ofron shumë më shumë në këtë fazë.

Si të dalloni nëse tashmë keni pasur coronavirus

Dr. Bunstone vuri në dukje se gati 20 për qind e njerëzve që kanë pasur COVID-19 nuk kishin asnjë simptomë. Sidoqoftë, shumica e njerëzve do të kenë pasur simptoma dhe ka disa shenja që mund të keni pasur tashmë virus pa e kuptuar.

Dr Bunstone shpjegoi: “Shumë sëmundje virale mund t’ju ​​lënë të ndiheni të lodhur deri në 12 javë pas infektimit. Simptomat e mundshme janë të gjera dhe nuk ka gjasa të shfaqen në të njëjtën mënyrë te secili individ, por zakonisht përfshijnë lodhje, dhimbje koke dhe dhimbje të muskujve ose nyjave”.

Është e rëndësishme të mbani mend se ndërsa coronavirusi është shqetësimi ynë kryesor tani, viruset e tjerë janë ende atje. Ndjenja e lodhjes për një periudhë të gjatë kohore mund të ndikojë në një virus tjetër – jo domosdoshmëritë COVID-19. Dr Bunstone përfundoi: “Nëse keni simptoma të vazhdueshme dhe nuk jeni të sigurt pse, sigurisht që ia vlen të kontrolloheni”. /Telegrafi/

Continue Reading

Trending