Connect with us

Maqedoni

Koronavirusi, Prilepi nuk do të hyjë në karantinë – Alsat

Published

on

Komuna e Prilepit nuk do të vendoset në karantinë. Ministri i Shëndetësisë Venko Filipçe, tha se me analizimin e gjendjes epidemiologjike është konstatuar se masat që aktualisht janë në fuqi janë mëse efektive, në rast se të njëjtat respektohen me përpikëri nga qytetarët. Se masat kundër COVID-19  po japin efekt, Filipçe thotë se e tregojnë shifrat që tashmë disa ditë kanë mbetur konstante. Megjithatë apeloi deri tek qytetarët që edhe gjatë festive të fundivitit t’i respektojnë maksimalisht të njëjtat dhe të shmangin  grumbullimet familjare. Ai dënoi grumbullimet nëpër qendrat tregtare gjatë “Black Friday”.


Në këtë aspekt, si për Prilepin, ashtu edhe për të gjithë territorin e vendit, mbrëmë patëm mbledhje edhe me Komisionin për Sëmundje Ngjitëse, tani për tani nuk vjen parasysh që të zbatohen apo rekomandohen masa shtesë. Spitali në Prilep është i organizuar shkëlqyeshëm, pacientët janë sistemuar në 5 njësi. Janë mobilizuar të gjithë mjekët dhe infermierët. Megjithatë ka një numër të caktuar punonjësish shëndetësorë të infektuar- deklaroi
Venko Filipçe – ministër i Shëndetësisë

 

Kryetari i Komunës, Ilija Jovanovski, tha se prishtmëritë e tij kishin qenë që kërkesa për karantinë të plotë për Prilepin të pranohej. Ai tha se personeli mjekësorë është shumë i lodhur dhe për këtë arsye kanë kërkuar ndihmë nga Shoqata e mjekëve amë në Prilep.


“ Ndoshta ne prisnim që të kishim masa më shtrënguese. Ne do të sugjerojmë si Shtab Komunal i Krizave që të veprojmë në nivel lokal,  me masat tona lokale. Kërkuam nga Shoqata e Mjekëve të qytetit tonë që një orë e më parë të kyçen për t’i ardhur në ndihmë personelit mjekësorë në spital, veçanërisht atyre në njësinë infektive.06:39 Janë ofruar 30 deri 35 mjekë amë. Mjekët më të moshuar që vuajnë nga ndonjë sëmundje nuk do të përfshihen- pohoi  Ilija Jovanoski – kryetar i Komunës së Prilepit.

Prilepi qëndron i dytë në listë, pas Shkupit, sa u përket rasteve aktive, me më shumë se një mijë të tilla. Gjatë javëve të fundit në raportet e ministrisë është informuar se Prilepi ka regjistruar pothuajse çdo ditë nga së paku 3 viktima nga ky virus.

Përgatiti: Evi Shkopi

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending