Connect with us

Maqedoni

Kontesti me Bullgarinë, kryeministri Zaev mbron qëndrimin e tij – Alsat

Published

on

Kryeministri Zaev mbron fuqishëm qëndrimet që i shprehu një ditë më parë në një intervistë për median bullgare. Ai thotë se ka ndryshuar retorikë rreth kontestit me Bullgarinë në mënyrë që të zhbllokojë procesin euro-integrues të vendit. Zaev edhe sot përsëriti se maqedonishtja dhe bullgarishtja kanë rrënjë të përbashkëta. Presidenti Pendarovski ndërkaq iu kundërpërgjigj Zaevit se ka mjaftueshëm përvojë të flasë në këtë temë dhe se zgjidhja mund të arrihet përmes respektimit të dinjitetit të të dyja popujve.

Shpreh keqardhje që intervista ime për median bullgare shkaktoi aq emocione negative, për të cilat jam plotësisht i vetëdijshëm., që i njoh dhe i kuptoj plotësisht. Por njëkohësisht kam obligim ndaj qytetarëve maqedonas t’i afrojë drejt zgjidhjes së çështjeve që janë hapur me Bullgarinë dhe që janë bërë pengesë për miratimin e kornizës negociuese me BE-në”-tha Zoran Zaev, Kryeministër.

Kryeministri, Zaev tha se intervistën e djeshme e dha me qëllim që ta zhbllokojë euro-integrimin e vendit. Ai vazhdoi me pretendimet se nga historia e përbashkët burojnë si gjuha maqedonase ashtu edhe ajo bullgare. Vazhdoi ta sqaronte tezën se fashizmi nuk ka përkatësi etnike dhe se për hir të së ardhmes, duhet shtrirë dorën e pajtimit.

Kjo është zgjidhja! Gjuhët tona në Ballkan burojnë nga gjuha dhe kultura e vjetër sllave, alfabetet e krijuara nga Sh.Kirili e Metodi, të cilët i shënojmë bashkërisht, e më pas nga trashëgimtarët e tyre, Sh.Klimentin dhe Naumin e Ohrit që e krijuan shkrimin cirilik. Sot kemi “Raka” në Maqedoni, “Rrëka” në Bullgari”, “Ruka” në Serbi. Këto janë rrënjët. Rrënjët mund t’i shohim si diçka që na bashkojnw ose diçka që na ndajnë. Nëse jemi evropianë dhe të mençur do t’i shohim si diçka që na bashkojnë, na bëjnë më të afërt”-pohoi Zoran Zaev, Kryeministër.

Reagimit të qytetarëve iu bashkëngjitën edhe funksionarë të lartë. Presidenti, Pendarovski iu kundërpërgjigj Zaevit, se ka mjaftueshëm përvojë sa për t’i matur fjalët që thotë, duke theksuar se kontesti mund të zgjidhet vetëm me respektimin e dinjitetit të dy popujve. “Lufta anti-fashiste është themeli i shtetit bashkëkohor maqedonas, në të cilën kemi luftuar kundër atyre që ishin në anën e fashizmit”, u shpreh ndër tjerash Pendarovski për DW.

 Në një pjesë të komenteve vërejta dilemën nëse krerët shtetëror janë unik lidhur me këtë çështje jetike kombëtare. Ka dy parakushte për zgjidhjen e kontesteve strategjike: të keni vullnetit politik, ndonjëherë për të bërë konsensus që nuk ua rrit rejtingun dhe t’i përmbaheni fakteve historike, ndërkombëtarisht të verifkuara dhe realitetit të dukshëm politik. Jam politikani i parë që kam propozuar diskurs më të gjerë politik lidhur me figurat më të mëdha të lëvizjes revolucionare maqedonase. Megjithatë, nuk kam shkuar më tej, sepse është punë e Komisionit të historianëve”-tha Stevo Pendarovski, President.

Zv/kryeministri, Dimitrov tha se ideja e marrëveshjes së 2017-tës ishte që historia t’u lihej hisotrianëve, ndërsa çështjet dy palëshe të zgjidheshin në mënyrë dypalëshe, pa u bërë pengesë në rrugën drejt BE-së.

Gjuha maqedonase dhe vetë-përcaktimi nuk mund të jenë pengesë për integrim në Unionin, i cili respekton dallimet e as që mund të jetë pengesë për miqësinë e vërtetë, sepse ajo bazohet në respekt të ndërsjellë. Ky është virusi i pavdekshëm i idealeve, për të cilin çmendurisht kërkohet vaksinë”-deklaroi Nikolla Dimitrov, Zv/Kryeministër.

 

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending