Connect with us

Maqedoni

Kontesti me Bullgarinë, Brukseli: Marrëdhëniet e mira fqinjësore janë thelbi i zgjerimit të BE-së

Published

on


Brukseli kërkon më shumë përpjekje për tejkalimin e dallimeve mes Shkupit dhe Sofjes, duke theksuar prerë se marrëdhëniet e mira fqinjësore janë thelbi i zgjerimit të BE-së. Zëdhënësja e Komisionit Evropian, Ana Pisonero kështu i kundërpërgjigjet kryeministrit dhe zv/kryeministrit, Zaev e Dimitrov të cilët një ditë më parë paralajmëruan se mund të shtyhet fillimi i negociatave me BE-në dhe e akuzuan Unionin se nuk do të jetë evropian, nëse do të lejojë që Bullgaria ta bllokojë vendin për shkak të kontesteve rreth gjuhës maqedonase dhe historisë së përbashkët.

“Marrëveshja e Prespës dhe Marrëveshja për fqinjësi të mirë me Bullgarinë vendosën shembull pozitiv për rajonin dhe më gjerë. Është e rëndësishme këto marrëveshje dypalëshe të vazhdojnë të zbatohen. I inkurajojmë të dy palët t’i dyfishojnë përpjekjet për gjetjen e zgjidhjes për çështjet e pazgjidhura”, tha Ana Pisonero, Zëdhënëse e Komisionit Evropian.

Në Këshillin Evropian nuk i komentojnë deklaratat e Zaevit dhe Dimitrovit, por thonë se diskutimet në këtë Institucion të lartë të BE-së po vazhdojnë.

“Diskutimet në Këshill po vazhdojnë. Nuk mund t’i komentojmë deklaratat e kryeministrit dhe zv/kryeministrit”, thonë nga Këshilli Evropian.

Përderisa BDI-ja nuk i komenton deklaratat e partnerit të koalicionit qeveritar, opozita kritikon ashpër pushtetin dhe i kërkon përgjegjësi për këtë, siç e quan, “dështim të politikës së jashtme”.

“Para disa viteve Zoran Zaev publikisht deklaronte dhe i qetësonte qytetarët se të gjitha çështjet në planin e jashtëm janë mbyllur. Tani e shohim se ato kanë qenë vetëm gënjeshtra, shpresa të rreme dhe përfundimisht Zaev e pranon se para disa viteve i ka gënjyer qytetarët. Ne do ta ndjekim këtë situatë serioze, që për faj të një njeriu si Zaevi rrezikon të shtyhet anëtarësimi i vendit në BE”, u shpreh Dimçe Arsovski, VMRO DPMNE.

“Është deklaratë tejet pesimiste për gjithë qytetarët e vendit. Posaçërisht duke pasur parasysh faktin që ne si shqiptarë gjatë 3 dekadave kemi sakrifikuar shumë interesa kombëtare për hir të synimeve për integrim euro-atlantik. Konsiderojmë se tash është koha që të tjerët të bëjnë sakrifica. Kishte gatishmëri nga të dy anët më herët për kompromis, por fija diku është humbur. Qeveria duhet të mbajë përgjegjësi dhe t’iu lë hapësirë atyre të cilët mund ta gjejnë një kompromis, sepse integrimi në BE për ne si qytetarë dhe shqiptarë është i pakompromis”, deklaroi Skender Rexhepi, ASH AAA.

Borisov e Zaharieva së fundmi thanë se Shkupi nuk mund ta vazhdojë rrugën drejt BE-së, nëse deri më 10 nëntor nuk arrin kompromis me Sofjen për gjuhën maqedonase dhe historinë e përbashkët. Pavarësisht përplasjeve të politikanëve, komisionet e dyja vendeve pritet të takohen më 15 dhe 16 tetor.

Anesa SaliHu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending