Connect with us

Maqedoni

Konkursi për Avokatin e Popullit, në harresë

Published

on


“Kuvendi nuk tregon se kur do ta shpallë konkursin publik për zgjedhjen e Avokatit të ri të Popullit. Nuk sqaron madje as arsyen e shtyrjes së këtij procesi që do të duhej të kishte filluar në fund të muajit të kaluar.”

Sipas Ligjit për Avokatin e Popullit, Kuvendi shpallë konkurs publik 3 muaj para se të skadojë mandati i Avokatit aktual. Në rastin konkret, Avokatit të Popullit mandati i skadon më 24 dhjetor, që do të thotë se konkursi duhej shpallur, e shumta më 24 shtator. Megjithatë Kryetari i Komisionit parlamentar për zgjedhje dhe emërime, Kostadin Kostadinov për Alsat u shpreh se ka ende kohë për shpalljen e konkursit publik në përputhje me ligjin, duke na drejtuar tek kryeparlamentari, Xhaferi për më shumë detaje. Por nga kabineti i Xhaferit nuk morëm përgjigje.

Rrjeti për mbrojtje nga diskriminimi kërkon sa më parë të fillojë procedurë transparente për zgjedhjen e Ombudsmanit të ri “mbipartiak” dhe të mos bëhet “Pazar” mes partive politike.

Të jetë procedurë transparente, me pjesëmarrjen e të gjitha palëve të interesuara, qytetarëve që kanë përvojë në mbrojtjen e të drejtave të njeriut, të publikohen biografitë e kandidatëve që opinioni t’i njoftojë, të parashtrohen afate ligjore për të gjitha fazat e procedurës me çka do të dihej saktë kur do të realizohet shpallja publike e kur do të organizohet debat publik. Përmes këtyre kritereve rigoroze do të rritej pavarësia e Avokatit të ri. Gjithashtu iu apelojmë partive politike ky të jetë kandidat mbi-partiak.”-tha Sotjan Mishev, Rrjeti për mbrojtje nga diskriminimi.

Mishev thekson nevojën për ndryshime ligjore që përskaj kritereve rigoroze në zgjedhjen e Ombudsmanit dhe zëvendësve të tij, të parashikohen më shumë resurse njerëzore e financiare dhe më shumë kompetenca, me çka Ombudsmani të mund të iniciojë procedurë gjyqësore ndaj institucioneve që shkelin të drejtat e njeriut dhe të sanksionohen institucionet që nuk zbatojnë rekomandimet e tij.

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending