Connect with us

Maqedoni

Këshilli i Ambasadorëve dhe opozita me kritika për përzgjedhjen e ambasadorëve të rinj

Published

on


Përzgjedhja e 16 ambasadorëve të ardhshëm të Maqedonisë së Veriut në vendet e botës nuk ka kaluar pa u kritikuar. Këshilli i ambasadorëve vlerëson se me disa përjashtime, Qeveria vazhdon praktikën e vjetër dhe propozon ambasadorë “nën mesataren”. Sipas tyre, kandidatët direkt ose indirekt janë të lidhur me partitë politike dhe nuk është mbajtur llogari për cilësinë e tyre. Nga Ministria e Punëve të Jashtme, si propozues zyrtar të kandidatëve për ambasadorë, deri tani, nuk kanë reaguar për vlerësimet e Këshillit të ambasadorëve.

VMRO-DPMNE-ja po ashtu mendon se mund të ishin propozuar kandidatë shumë më të mirë.

“Pretendimi se nëse je diplomat i punësuar në MPJ, automatikisht je i mirë dhe i përshtatshëm për ambasador, nuk domethënë gjithmonë të jetë i vërtetë. Sipas meje, të paktën gjysma e ambasadorëve të propozuar kanë kolegë më të mirë dhe më cilësorë që mund të ishin më të mirë në ata pozita ambasadorësh”, tha Antonio Milloshoski, VMRO-DPMNE.

Shumica parlamentare është e kënaqur me prezantimin e platformave që bënë ambasadorët e ardhshëm para Komisionit për punë të jashtme në Kuvend.

“Kishim rastin t’i dëgjojmë dhe ata ishin prezantime kompetente të përfaqësuesve tanë të ardhshëm në këto vende. Mendoj se këto njerëz do ta bëjnë punën e tyre. Madje edhe z. Sali Limani që nuk është diplomat me karrierë, kishte prezantim të shkëlqyer”, deklaroi Sonja Mirakovska, LSDM.

Ambasador i ri në Danimarkë është Faton Bejta, në NATO – Dane Taleski, në Katar – Shaban Jashari, në Zhenevë – Teuta Agai Demjaha, në Shqipëri – Danço Markovski, në Kazakistan – Sali Limani, në Kosovë – Shpresa Jusufi, dhe në Vatikan – Marija Efremova. Tetë të tjerë do të prezantojnë platformën e tyre para deputetëve gjatë javës së ardhshme.

Maqedonia nuk ka akoma ambasador në SHBA, në Rusi, në Kombet e Bashkuara dhe në shumë vende të rëndësishme evropiane.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending