Connect with us

Maqedoni

Gjendja me Covid-19 po stabilizohet, s’ka nevojë për shtrëngim të masave – Alsat

Published

on

Shifrat shpresëdhënëse të muajit të fundit tregojnë se beteja e mjekëve dhe pacientëve po avancon ndaj virusit korona. Ministri Filipçe tha piku i valës së vjeshtës është regjistruar të martën e kaluar kur brenda një dite kishte 1,407 të infektuar dhe se gjendja tani ka nisur të stabilizohet. Ndonëse mbetemi në vendin e 8-të në botë me shifrat pozitive në incidencë për 1 milion banorë, diferenca e të shëruarve është ngushtuar në më pak se 10%. Ministri Filipçe shprehet optimist se shifrat aktuale janë stabilizuar dhe me masat aktuale restriktive pritet në vijim të ulën, meqenëse vdekshmëria për muajin nëntor ka dyfishuar rastet që humbën jetën.

– Advertisment –

 Numri i rasteve të reja është ngadalësuar, praktikisht jemi në nivelin e një rrafshnalte pas periudhës prej 2 deri 4 javë ku rritja të diagnostikuarve pozitiv ishte e shpjete. Kjo është dëshmi se faktori R-0 i përhapjes së infeksionit dukshëm është zvogëluar. Sipas vlerësimeve tona 1 është koeficienti në këtë periudhë. Për fat të keq rritje ka tek rastet e vdekjes, si në nivel botëror ashtu edhe te ne”-tha Venko Filipçe, Ministër i Shëndetësisë.

Megjithatë, orë policore nuk do të ketë. Për karantinën e kërkuar nga kryetari i Prilepit, ministri Filipçe tha se nesër do të zhvilloj takim, por me gjasë nuk do ketë masa restriktive. Kreu shëndetësisë tha se pas orës 21 objektet gastronomike mbyllen dhe rreziku potencial është te ndejat familjare.

 Ka rekomandim mos të ndodh e as mos të organizohen, prandaj shumica e masave efektive bien në vetëdijen e qytetarëve se duhet të respektohen. Nuk kishte mundësi të ndalohen me ligj sepse ishte kundër kushtetuese kur ndryshuam Ligjin për mbrojtje nga sëmundjet ngjitëse. Në këtë kuptim, masa të reja shtesë nuk planifikojmë sepse afër 2/3 e qyteteve ka ulje serioze të incidencës në disa javë të fundit. Mbetet kritike situata në Kumanovë, Shtip, Prilep, Manastir dhe Shkup”-pohoi Venko Filipçe, Ministër i Shëndetësisë.

Përqindja e rasteve aktive të hospitalizuar mbetet 6,7% që sipas autoriteteve është e ulët dhe nuk mbingarkon kapaciteteve spitalore, në të cilat në nivel shteti ka të shtruar më pak se 1300 pacient.

Afër 1,500 shtretër për pacientë me covid-19 posedohen në nivel shteti, prej tyre 500 vetëm në Shkup.

Nga e hëna edhe 100 shtretër nga tri spitalet private do të shtohen në spitalin “Malla Bogorodica”

Nëntori ishte inkurajues edhe shifrat e pacientëve të shëruarve si në kurim shtëpiak ashtu edhe në mjekim spitalor. Java fundit shënoi një rritje prej 45% të shëruarve në krahasim me javën paraprake.

 Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending