Connect with us

Business

Filloi debati rreth rishikimit të buxhetit, opozita e cilëson si populist – ALSAT-M

Published

on


Rishikimi i dytë i arkës shtetërore u prezantua para deputetëve në komisionin amë për financim dhe buxhet. Ministri i financave, Fatmir Besimi, e arsyetoi rebalancin e dytë të buxhetit si të domosdoshëm për financimin e pakos të re të masave ekonomike, të cilat do ta mbajnë aktivitetin ekonomik në vend. Në momentin e fundit, Besimi e korrigjoi borxhin publik të vendit.

Pakoja e katërt e miratuar e masave ekonomike synon të sigurojë qëndrueshmërinë e aktiviteteve të brendshme ekonomike, vendeve të punës, transferimeve sociale dhe të sigurohen politika për dalje të shpejtë nga kriza kur të mbarojë. Të dhënat, historikisht, më 30 qershor për borxhin e jashtëm krahasuar me PBV ishte 59.5 %, i njëjti për 30 qershor është 6.5 miliardë euro, tani nuk janë 59.5 por 60.3 % të PBV-së – deklaroi Fatmir Besimi- ministër i financave.

Për VMRO DPMNE-së, rebalanci në vend që të orientohet nga realizimi më i madh i projekteve kapitale, është i drejtuar vetëm për masa populiste si “Fundjava pa TVSH”, kartelat pagesore dhe të ngjashme.

Më shumë është shkurtuar te investimet kapitale, janë përgjysmuar fondet për ndërtimin e objekteve qeveritare, sallave sportive, shkollave, më pak mjete për gazifikim, që ishte një premtim nga ana juaj. Ju thoni se duhet të jemi konstruktiv, ne do ta votojmë rebalancin nëse i pranoni amendamentet tona – u shpreh Bllagica Lasovska- deputetet VMRO DPMNE.

Propozim- rishikimi do të shqyrtohet nga komisioni amë në 10 ditët e ardhshme. Për të u dorëzuan 186 amendamente, nga të cilat shumica ose 177 nga VMRO DPMNE. Sot, kryeministri Zoran Zaev u bëri thirrje deputetëve t’i miratojnë amendamentet e opozitës, por vetëm nëse janë në të mirën e qytetarëve dhe kompanive. Me rebalancin, ana e të ardhurave buxhetore është projektuar në 3.1 miliardë euro, ndërsa ana e shpenzimeve 4.1 miliardë euro.

Andrea Çobanova

Alsat

Click to comment

Leave a Reply

Your email address will not be published. Required fields are marked *

Business

S’ka marrëveshje mes organizatorëve të ahengjeve dhe Qeverisë

Published

on

Takimi midis organizatorëve të ngjarjeve dhe Zëvendës Kryeministrit Fatmir Bytyqi, përfundoi pa marrëveshje konkrete. Tani për tani, protestat do të pezullohen, derisa të shihet efekti i ndihmës që ata duhet ta marrin. Industria e ngjarjeve ka kërkuar ndihmë financiare të pakthyeshme në formën e granteve për të mbuluar humbjet që tejkalojnë 60 përqind, por Qeveria ofron ndihmë një milion euro, që do të mbulojnë të paktën 40 ngjarje me karakter publik.

Alsat

Continue Reading

Business

Gati çdo ditë mbyllet nga një dyqan, pandemia i jep goditjet e fundit zejtarive në Maqedoni

Published

on

Situata te zejtarët është jashtëzakonisht alarmante. Disa prej tyre tashmë kanë i kanë mbyllur punëtoritë. U nevojiten para të freskëta në mënyrë që biznesi i tyre të mos dështojë plotësisht. Edhe zejtarët për çdo ditë e presin ndihmën shtetërore, sepse pretendojnë se likuiditeti i tyre është i dobët dhe nuk dinë si t’i mbajnë punonjësit e tyre.

Në Odë tonë kanë filluar të mbërrijnë kërkesa për ndërprerje, sepse zejtarët fshihen përmes Odës dhe arrijnë pyetje në lidhje me se cilat janë kushtet për fshirje nga regjistrat e zejtarëve, sepse nuk mund t’i rezistojnë presionit dhe ngarkesës në pjesën e financave”, tha Aneta Atanasovska, drejtore ekzekutive e Odës së Zejtarisë.

Gjykojeni vetë se sa e rëndë është situata, në pesë ditët e fundit ju jeni i pari që hyni në dyqan, kështu u përpoq t’i shpjegojë telashet mjeshtri i kapelave Abdullah Mustafa. Përllogaritjet e tij tregojnë se puna e tij është zvogëluar deri në 90 për qind. Ai thotë se tani pret të pensionohet, dhe të marrë diku rreth 10 mijë denarë

Shpenzimet janë 1,200 euro paushall në vit, që duhet t’ia paguaj shtetit. I kërkova Odës së Zejtarëve në emër të kolegëve të mi që të na lirojnë nga këto shpenzime, kurrë nuk do të dilja në pension, këtu e them edhe tani, por mendoj se nuk do të ketë efekt”, tha Abdullah Mustafa, zejtar.

Përndryshe, 100 zejtarë nga Banka Zhvillimore kanë marrë kredi pa interes. Kusht për këtë ndihmë shtetërore ishte të dëshmojnë se kanë rënie reale të të ardhurave prej 20 për qind.

Shuma minimale e kredisë që mund t’i aprovohet një kredikërkuesi nga kjo linjë kreditore nuk mund të jetë më e vogël se 184,500 denarë. Për tregtar të vetëm dhe zejtar, shuma maksimale nuk mund të jetë më e madhe se 307,500 denarë”, thonë nga Banka Zhvillimore e Maqedonisë.

Në Odën e Zejtarisë në Shkup së ka rreth 2000 zejtarë, në nivelin e të gjithë vendit numri i zejtarëve është afër 4000. Përveç problemit financiar, brengë e vjetër e zejtarëve është edhe stafi i punës i cili gjithnjë e më vështirë është për t’u gjetur.

 

Ile Petreski

Alsat

Continue Reading

Business

Struga dhe Ohri me zbritje për turistët nga Serbia

Published

on

Hotelet në Ohër dhe Strugë nga maji deri në tetor do të ofrojnë prenotime më të lira për turistët serbë deri në 20%, në varësi të periudhës së qëndrimit. Qëllimi është që në vend se të shkojnë në bregdetin grek, t’i kalojnë pushimet verore në liqenin e Ohrit ose ata që do t’i kalojnë pushimet  në Greqi, gjatë kthimit të qëndrojnë të paktën disa ditë në vendin tonë.

Për një person në ditë, mund të kenë gjysmë- pansion prej vetëm 25 eurove, me mëngjes dhe darkë në hotel me 4 yje. Disa hotele të kategorisë më të lartë, mund të jenë më shtrenjtë për 2-3 euro…”, tha Kërste Bllazheski, kryetar i HOTAM.

Idenë e zbritjes së çmimeve deri më tani e kanë pranuar rreth 90% të hoteleve.

Bëhet fjalë për pako të veçanta që do t’u jepen agjencive vendore dhe atyre nga Serbia. Presim të ketë qarkullim të mirë nga këta mysafirë”, pohoi Kërste Bllazheski, kryetar i HOTAM.

Gastronomët thonë se me këtë nismë duan të mbështetin qëndrimin e Qeverisë për taksa falas për qytetarët serbë si shenjë mirënjohje për vaksinimin falas. Për të njëjtin qëllim, Agjencia Shtetërore për mbështetjen dhe promovimin e turizmit ka propozime shtesë për Qeverinë në lidhje me Serbinë.

Agjencia shtetërore për mbështetjen dhe promovimin e turizmit:

  • bileta falas për të gjithë muzetë
  • parkim falas në të gjitha qytetet
  • zbritje në të gjitha objektet gastronomike
  • zbritje në objektet e akomodimit
  • transferim i shpejtë në pikat kufitare

Shoqata e Hotelierëve mendon të ofrojë pako të ngjashme për mysafirë nga vendet e tjera fqinje, Shqipëria, Kosova, Mali i Zi dhe Bullgaria. Presin më shumë prej tyre këtë verë, së bashku me mysafirët vendas, sepse shumica e prenotimeve me mysafirët nga Evropa Perëndimore janë anuluar përsëri ose janë në pritje.

Miki Trajkovski

Alsat

Continue Reading

Trending