Connect with us

Business

Fillimi me punë i produktsjellësit Selanik – Shkup mbetet vetëm paralajmërim – ALSAT-M

Published

on


Për momentin, Qeveria maqedonase dhe kompania greke Hellenik Petroleum kanë vetëm vullnet të mirë për ta lëshuar përsëri produktsjellësin Selanik-Shkup. Informacionet që Alsat i mori nga Qeveria janë se të dy palët nuk kanë vendosur ende në tryezë kushtet për aktivizimin e produkstjellësit. Nga OKTA, kompania që është në pronësi të Hellenik, vetëm na e konfirmoi se ka negociata dhe pret një zgjidhje. Ata nuk iu përgjigjën pyetjeve tona në lidhje me procesin gjyqësor të kompanisë greke kundër Maqedonisë për mosrespektim të marrëveshjes shitblerëse për OKTA-n midis qeverisë maqedonase dhe Hellenik Petroleumit, e cila për herë të dytë kërkon dëmshpërblim nga shteti në vlerë prej mbi 30 milion eurosh.

“Lëshimi përsëri në përdorim i produktsjellësit Selanik – OKTA do të sigurojë përmirësime të konsiderueshme në furnizimin e OKTA-s, me ç’rast OKTA gjithmonë mirëpret arritjen e një zgjidhjeje midis palëve të interesuara të produktsjellësit”, ,njoftojnë nga OKTA.

Në dhjetë ditët e fundit, Kryeministri Zoran Zaev dy herë ka deklaruar se ka negociata për aktivizimin produktsjellësit i cili nuk punon që nga viti 2013, pasi rafineria e Shkupit OKTA nuk ka prodhuar derivate të naftës.

“Ju e dini që jemi duke negociuar me OKTA-n për lëshimin e naftësjellësit. Në cilat rrethana do të dakordohemi. E gjitha kjo për energjetikën është potencial i madh”, tha Zoran Zaev Kryeministër.

Përmes produktsjellësit është planifikuar shpërndarja e karburantit dizel i cili do t’i zëvendësojë rezervuarët me të cilët kjo lëndë djegëse bartet nga Greqia. Kjo nuk është hera e parë që çështja e vënies në funksion të produktsjellësit të aktivizohet. Ka pasur negociata dy vjet më parë kur skadoi marrëveshja e dëmshme për Maqedoninë, me të cilën qeveria duhej të prokuronte 500 mijë tonë vaj mazut në vit nga OKTA, megjithëse vendi nuk ka nevojë për një sasi të tillë. Në pesë vitet e fundit, ky rregull nuk është respektuar nga pala maqedonase dhe kjo është arsyeja pse qeveria maqedonase tashmë u ka paguar kompensim prej rreth 40 milion grekëve.

Ile Petrevski

Alsat

Click to comment

Leave a Reply

Your email address will not be published. Required fields are marked *

Business

Bie përqindja e turistëve për muajin shkurt

Published

on

Numri i turistëve për muajin shkuar ka shënuar rënie prej 41.7 për qind, ndërsa numri i qëndrimeve në hotele ka rënë me 36.8 për qind, krahasuar me të njëjtin muaj gjatë vitit të kaluar. Sipas të dhënave nga Enti Shtetëror i Statistikave, në shkurt vendi ka regjistruar 27,569 turistë ndërsa janë realizuar 60,013 akomodime.

 

Alsat

Continue Reading

Business

Bie çmimi i benzinë, çmimi i dizelit mbetet i pandryshuar

Published

on

Çmimi i benzinës nga mesnata do të lirohet për gjysmë denari, ndërsa çmimi i dizelit mbetet i pandryshuar, vendosi Komisioni Rregullator i Energjetikës.

Sipas vendimit të fundit të KRRE-së, çmimet e derivateve për litër do të jenë:

EUROPUSPER BS-95 do të shitet për 67,00 denar për litër.

EUROSUPER BS-98 do të shitet për 69,00 denarë për litër.

EURODISEL do të shitet për 58 denarë për litër.

 

Alsat

Continue Reading

Business

Gjatë marsit u rritën çmimet e konsumit, ranë vetëm çmimet e perimeve

Published

on

Për 0,4% janë rritur çmimet e konsumit gjatë muajit mars 2021 në krahasim me muajin shkurt të po të njëjtit vit.

Agjencia e Statistikave të Kosovës ka bërë të ditur se gjatë marsit të këtij viti janë rritur çmimet e këtyre produkteve: vajra dhe yndyra me 2.8%, pemë me 3.8%, pije alkoolike me 1.6%, këpucë me 3.1%, karburante dhe lubrifikantë për pajisjet e transportit personal me 4.7%.

Ndërsa, rënie e çmimeve gjatë marsit është vërejtur vetëm tek perimet me 1.5%.

Sipas, ASHK-së, norma vjetore e inflacionit, e matur në muajin mars 2021, me muajin mars 2020, ishte 1.2%.

Ndërkohë për 1.2% janë rritur çmimet e konsumit në janar të këtij viti, në krahasim me të njëjtin muaj të vitit 2020.

Alsat

Continue Reading

Trending