Connect with us

Maqedoni

Filipçe propozon që Kuvendi të punojë “online”, opozita kundërshton

Published

on


Ministri i Shëndetësisë Venko Filipçe edhe një herë u kërkon deputetëve të shqyrtojnë mundësinë e punës së Kuvendit “online”, gjë që sipas tij është e realizueshme.

“Assesi platforma nuk duhet të kuptohet si tentim për të komprometuar çfarëdo kapaciteti parlamentar, qoftë demokratik, qoftë funksional. Sinqerisht mendoj se shërbimet duhet të konfirmojnë edhe nga aspekti ligjvënës si dhe ai teknik nëse kjo mund të realizohet por unë mendoj se mundet. Por, po ashtu mendoj se të gjithë janë të vetëdijshëm që në periudhën që vjen, prioritet do të jetë mbrojtja e shëndetit”, tha Venko Filipçe, ministër i Shëndetësisë.

VMRO-DPMNE-ja nuk pranon assesi zhvillimin e seancave të Kuvendit tërësisht “online”.

“Nuk ka asnjëfarë pengese që Kuvendi të vazhdojë të funksionojë normalisht sepse shumica e deputetëve të nevojshëm për vendimmarrje në Kuvend, sipas të gjitha formave të nevojshme të shumicës për miratimin e vendimeve, është operative dhe në qasje”, deklaroi Dafina Stojanoska, VMRO-DPMNE.

Por, për dallim prej një ditë më parë, kjo parti tani është e gatshme të diskutojë për mundësinë që deputetët të cilët kanë vendim për izolim, të mund të votojnë nga shtëpia.

“Nëse ulemi të bisedojmë, ndoshta kjo mund të shqyrtohet”, tha Dafina Stojanoska, VMRO-DPMNE.

Një ditë më parë shumica parlamentare kishte kërkuar që deputetëve të cilët janë të infektuar me virus dhe kanë vendim për izolim të mund të votojnë nga shtëpia. Në të kundërt, rrezikohet shumica. Deri tani vendim për izolim për shkak se kanë rezultuar pozitiv kanë dy deputetë të shumicës parlamentare dhe një deputete e opozitës.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending