Connect with us

Maqedoni

Filipçe: Hapja e kufijve, e njëkohësishme dhe pa PCR test

Published

on


Hapja e kufijve e njëkohësishme dhe pa PCR test negativ. Kështu ka deklaruar ministri i Shëndetësisë, Venko Filipçe i cili thotë se javën e kaluar janë përgjigjur të gjitha vendet fqinje dhe se sistemi i koordinimit është duke funksionuar mirë. Filipçe thotë se vendimi i përbashkët duhet të funksionojë bashkërisht me shkëmbimin e informacioneve për pasqyrën epidemiologjike nga secili vend i rajonit. Sipas tij, pavarësisht hapjes kufijve, masat preventive si maskat dhe distanca me doemos duhet mbetur në fuqi.

Pranoj se kemi paralajmëruar disa herë se do të ketë një vendim, por deri tani kemi pritur përgjigje nga vendet e rajonit. Gjatë javës së kaluar u përgjigjen dhe sistemi i koordinimit është duke funksionuar mirë, ndërsa tani po mbështetet edhe nga Ambasada e SHBA-ve në Shkup. Shpresoj që shkëmbimi i informacioneve do bazohet në analizat e sakta mbi pasqyrat epidemiologjike nga çdo vend i Ballkanit Perëndimorë, përfshi Bullgarinë dhe Greqinë” – deklaroi Venko Filipçe, Ministër i Shëndetësisë.

Vendet e Evropës qendrore nuk përfshihen në këtë vendim rajonal. Filipçe thotë se vendimi i tyre varet nga situata epidemiologjike e çdo shteti veçmas.

Vendet anëtare të BE-së kanë vetëm rekomandim, nuk kanë ndonjë politikë të përbashkët lidhur me këtë çështje, dhe në këtë drejtim janë të lira të vendosin se si do të jetë regjimi i kufijve -tha Venko Filipçe, Ministër i Shëndetësisë.

Iniciativa për heqjen e PCR testeve negative diskutohet tashmë disa muaj. Ministrat e Shëndetësisë nga rajoni kanë formuar grupe punë të përbashkët me qëllim hapjen unanime të kufijve. Ditë më parë Kosova hoqi testin për shtetasit e huaj nëse duan vetëm të tranzitojnë në territorin e saj, ndërsa nga e hëna një gjë e tillë do të diskutohet edhe në Maqedoni të Veriut.

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending