Showbiz
Ekskluzive: Zbulohen titujt dhe disa nga bashkëpunimet e albumit të ri të Bebe Rexhës
Këngëtarja shqiptare me famë botërore, Bebe Rexha, është në përgatitje të albumit të saj më të ri, njëherësh të dytin në karrierën e saj.
Albumi i saji parë në studio u publikua i titulluar “Expectations” u publikua në qershor të vitit 2018, duke shënuar suksese të shumta në arenën ndërkombëtare, si ndër albumet më të dëgjuara të artisteve femra të atij viti.
Tani, Bebe Rexha është gati për të publikuar albumin e saj të dytë, i cili konverton punën e saj dy vjeçare të artistes në studio.
Kopertina e albumit të parë të Bebe Rexhës, Expectations (Foto: Wikipedia)
Albumi ende i pa titull do të ketë disa këngë të reja, bashkëpunime dhe këngë që tashmë janë publikuar, siç është bashkëpunimi i fundit me Doja Cat, “Baby, I’m Jealous”.
Telegrafi ka arritur të marrë disa informacione të shkurtra lidhur me albumin e ri të këngëtares, nga një burim i afërt brenda stafit të saj menaxherial.
“Bebe Rexha ka punuar shumë gjatë karantinës, ajo ka qenë vazhdimisht duke iniciuar këngë dhe ajo e do këtë album. Ajo ka qëndruar për muaj të tërë në Los Angeles larg nga prindërit e saj në New York, vetëm e vetëm për të punuar sa më shumë. Ajo kishte planifikuar ta publikonte atë më herët, por siç ka njoftuar edhe vet ajo, është detyruar ta shtyjë publikimin e tij shkaku i pandemisë globale COVID-19”, ka thënë ky burim.
Për këtë album, ajo ka bashkëpunuar me producentë të njohur të tregut ndërkombëtar si: Greg Kurstin, Jon Hume, Jason Gill dhe Jussifer.
Telegrafi ka arritur të sigurojë ekskluzivisht edhe titujt e këngëve të albumit të saj të ri, i cili do të ketë 13 këngë në versionin e parë dhe plot 16 sosh në versionin “Deluxe”, që do të publikohet pas atij të parit.
Ekskluzive: Lista e këngëve të albumit të dytë të Bebe Rexhës që do të publikohet së shpejti
Pjesë e albumit mund të shihet se janë edhe këngët e saj të njohura, që tashmë veç gjendet në kanalin YouTube të publikuara edhe me klipe si: “Last Hurrah”, “Not 20 Anymore” dhe “Baby, I’m Jealous”.
Një risi e veçantë e albumit, është fakti që Bebe Rexha po i rikthehet bashkëpunëtorëve të vjetër, duke realizuar një këngë me Pete Wentz, me të cilin në vitin 2010 kishte formuar një grup të quajtur “Black Cards” dhe mbanin koncerte bashkë.
Bebe Rexha dhe Pete Wentz, grupi “Black Cards” (Foto: Twitter)
“Ajo ka nostalgji për kohën e vjetër, kjo është dhe arsyeja që në albumin e ri ka zënë vend një bashkëpunim me Pete Wentz, me të cilin dikur ishte në një grup të quajtur ‘Black Cards’. Pritet të jetë vërtetë një album i veçantë”, ka thënë një burim pranë këngëtares për Telegrafin.
Ende nuk ka një datë të saktë dhe titull për albumin, megjithatë këngëtarja me origjinë nga Dibra thuhet se është shumë entuziaste, pasi ka punuar vet në shumë prej këngëve, disa prej të cilave ajo i përshkruan si autobiografike. /Telegrafi/
Bebe Rexha (Foto: Rich Fury/Getty Images/Guliver)
Dawn Wells, e cila luajti Mary Ann Summer, ka ndërruar jetë në moshën 82 vjeçare.
Ajo ka vdekur të mërkurën në mëngjes në Los Angeles nga COVID-19, sipas publicistit të saj.
Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.
Foto: NBC
Për rolin e Mary Ann, ajo mundi 350 aktore të tjera, përfshirë këtu Raquel Welch.
Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.
Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/
Foto: Getty Images
Të revoltuar me Qeverinë, organizatorët e ahengjeve vazhdojnë protestën
Më në fund paga minimale në Kosovë po rritet
AKB-ja: Qytetarët e Kosovës shpenzuan 10 milionë euro gjatë fundjavës në Shqipëri
Showbiz6 months agoDon Xhoni thotë se do refuzonte të bënte një bashkëpunim me Rina Balajn
Tech7 months agoKrijohet maska UV që të mbron 99.99% nga infektimi
Maqedoni6 months agoDitari elektronik, barrë shtesë për mësuesit
Showbiz6 months agoKështu dukej para disa viteve Arta Elezaj (Foto)
Showbiz5 months agoAfrona Dika pozon me veshje kombëtare: Jam lind e rrit në Zvicër, por traditat i kam në zemër dhe mburrem që jam shqiptare
Showbiz6 months agoNjë hit i garantuar, zbulohen detaje rreth duetit të Fifit dhe Ermalit
Business6 months agoBuxheti për vitin 2021 pritet të jetë 2.4 miliardë euro
Showbiz6 months agoNoizy kërkon ndihmën e fansave për këtë gjë