Connect with us

Maqedoni

Dyfishohet numri i parashtresave për mosrespektim të të drejtave të punëtorëve

Published

on


Gati 6,000 parashtresa mbërritën në Inspektoratin e Punës nga punëtorët në tetë muajt e parë të vitit. Pandemia me Covid-19 shkaktoi një rritje të dyfishtë të numrit të parashtresave nga qytetarët, thotë kreu i inspektoratit të punës, Alajdin Havziu. Numri më i madh i ankesave për mosrespektim të të drejtave të punëtorëve ishin në industrinë e tekstilit.

Kontratat blanko, largimet nga puna pa respektuar periudhën e njoftimit, mospagimi i pagës dhe puna pa ndonjë kontratë pune janë disa nga problemet që qytetarët i raportojnë më shpesh. Sipas Havziut, pandemia shkaktoi një “zjarr” që do të duhet të shuhet për një kohë të gjatë, për të stabilizuar situatën.

Apeloj punëtorët të kenë kujdes se çfarë nënshkruajnë.” Ne kemi raste kur punëtorët kanë nënshkruar një dokument blanko dhe punëdhënësit mund ta abuzojnë atë dhe e bëjnë atë. “Unë dua të them se pa një kontratë pune asnjë punëtor nuk duhet të punojë pavarësisht nëse është i regjistruar në agjencinë e punësimit, sepse të drejtat dhe detyrimet janë specifikuar në kontratën e punës – u shpreh Alajdin Havziu- Drejtor i Inspektoratit Shtetëror të Punës.

Pronarët e kompanive që kanë shkelur të drejtat e punëtorëve gjobiten në varësi të shkeljes në fjalë, por gjoba më e lartë mund të jetë deri në 3,000 euro. Të dhënat e fundit nga Agjencia e Punësimit tregojnë se në katër muajt e fundit, gati 12 mijë qytetarë kanë humbur vendet e tyre të punës si rezultat i pandemisë Covid-19.

Andrea Çobanova

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending