Atalanta po bën të gjitha përpjekjet për të pasur në dispozicion për ndeshjen ndaj Lazios nesër,edhe mbrojtësin argjentinas Cristian Romero, i cili rezultoi fals pozitiv ditën e premte.
Dy testet e kryera të premten vonë dhe sot paradite, kanë dhënë përgjigje negative për qendërmbrojtësin e skuadrës zikaltër, i cili vijon të qëndrojë në shtëpi i izoluar, por pa simptoma të sëmundjes.
Atalanta ndërkohë ka plotësuar të gjithë dokumentacionin e nevojshëm që konfirmon se Romero ishte fals pozitiv, me shpresën që do të marrë miratimin e autoriteteve për ta pasur në fushë nesër në orën 15:00 ndaj Lazios.
Alsat
