Connect with us

Bota

Dëbora shkakton kaos në Francë, bllokon mbi 2 000 makina në autostradë – Alsat

Published

on

Kaosi në Francën Lindore, i shkaktuar nga dëbora e madhe dhe akulli, përfshiu edhe mbi 2 000 makina, që u bllokuan në një autostradë gjatë natës.

”Qindra automjete u bllokuan në autostradën A40 në Bellegard-sur-Valserine afër kufirit zviceran”, njoftoi gazeta rajonale ”Le Dauphine Libera”.

Autoritetet lokale thanë se po punonin për pastrimin e autostradës dhe lëshuan një paralajmërim për publikun që të jetë i kujdesshëm dhe të kufizojë udhëtimin e tyre.

”Kryebashkiaku i Bellegard-sur-Valserine ofroi strehim urgjent për ata që mbetën të bllokuar”, shkroi ”Le Dauphine Libera”./


Click to comment

Leave a Reply

Your email address will not be published. Required fields are marked *

Bota

Fauci: SHBA-ja do t’i bashkohet programit COVAX – Alsat

Published

on

Nën udhëheqjen e presidentit Joe Biden, Shtetet e Bashkuara synojnë t’i bashkohen programit global për shpërndarjen e vaksinave kundër koronavirusit në vendet e varfëra, i njohur si COVAX.

Kështu i tha Organizatës Botërore të Shëndetësisë (OBSH), këshilltari kryesor mjekësor në SHBA, Anthony Fauci.

Ky vendim u mirëprit nga shefi i OBSH-së, Tedros Adhanom Ghebreyesus, i cili tha se kjo “është një ditë e mirë për OBSH-në dhe shëndetësinë në botë”.

“Presidenti Biden do të lëshojë një urdhër i cili do të përfshijë synimin e Shteteve të Bashkuara për t’u bashkuar me programin COVAX “, tha përmes një video adresimi Fauci.

Përmes programit COVAX, dërgesa e parë e vaksinave në vendet e varfëra pritet të bëhet në muajin shkurt. Edhe Kosova synon të marrë vaksina nga ky program.

OBSH-ja ka ngritur shqetësime se vendet e pasura po furnizohen me një pjesë të madhe të vaksinave që janë në dispozicion, duke rrezikuar furnizimin e vendeve të varfëra.

Paraardhësi i Bidenit, Donald Trump ndaloi financimin për OBSH-në dhe njoftoi për procesin e tërheqjes nga kjo organizatë deri në korrik të vitit 2021. Por, administrata e presidentit Biden ka vendosur të qëndrojë si anëtare në këtë organizatë.

Trump e ka akuzuar OBSH-në se nuk ka menaxhim të mirë dhe se e ka ndihmuar Kinën në fshehjen e të dhënave për shpërthimin e koronavirusit, në fund të vitit 2019.


Continue Reading

Bota

Gjermani regjistron mbi 1.000 viktima të reja nga COVID-19 – Alsat

Published

on

Në 24 orët e fundit në Gjermani humbin jetën 1.013 persona si pasojë COVID-19 kanë humbur jetën 1.013 persona. Sipas Institutit Robert Koch (RKI) në Gjermani i cili kryen hulumtime në fushën e sëmundjeve infektive, thuhet se me 1.013 vdekjet në 24 orët e fundit numri i viktimave ka arritur në 49.783 ndërsa me 20.398 raste në 24 orët e fundit numri i rasteve arrin në 2.088.400. Numri i personave të prekur nga COVID-19 që ndodhen në kujdesin intensiv në Gjermani arrin në 4.836 prej të cilëve 2.777 janë të intubuar. Deri më tani në vend kundër COVID-19 janë vaksinuar 1.3 milionë persona.


Continue Reading

Bota

Kina raporton rritje të rasteve me COVID-19 – Alsat

Published

on

Autoritetet kineze kanë bërë të ditur se rastet e transmetuara lokale të koronavirusit të ri (COVID-19) në vend janë në rritje, përderisa numri i personave që kanë marrë vaksinën kundër virusit ka tejkaluar shifrën 15 milionë. Komisioni Kombëtar i Shëndetësisë (NHC) raportoi 144 infeksione të reja, 126 prej të cilave ishin raste të transmetuara lokale, shifër shqetësuese në rritje që vjen para festës javore të Vitit të Ri Hënor (Festivali i Pranverës), që fillon nga 12 shkurti, transmeton Anadolu. Shumica e rasteve të transmetimit lokal, përkatësisht 68 prej tyre u raportuan në provincën Heilongjiang, e ndjekur nga provinca Jilin me 33 raste dhe provinca Hebei me 20 raste. Po ashtu nga dy raste u raportuan në kryeqytetin Pekin dhe provincën Shanxi si dhe një në Shandong.

Shumë rajone në këto provinca janë nën një bllokim të rreptë për të frenuar rritjen e infeksioneve me COVID-19. Sipas autoriteteve shëndetësore kineze, numri i përgjithshëm i rasteve të konfirmuara me COVID-19 në vend ka arritur në 88.701, përfshirë 4.635 vdekje dhe 82.468 të shëruar.

Fushata e vaksinimit

NHC së fundmi njoftoi se deri më tani dozën e parë të vaksinës kundër virusit e kanë marrë mbi 15 milionë persona.

“Procesi i vaksinimit ka qenë i qetë. Ne do vazhdojmë punën ashtu siç është planifikuar përderisa po afrohet edhe Viti i Ri Hënor”, tha Wang Bin nga zyra e NHS-së. Mediat lokale raportojnë se Wang njoftoi se autoritetet planifikojnë të “vaksinojnë fëmijët dhe të moshuarit në mbarë vendin për të parandaluar shpërthimet”.

“Stafi i emigracionit, punonjësit e transportit ndërkombëtar dhe të brendshëm, punonjësit thelbësor dhe ofruesit e shërbimeve publike kanë përparësi në fushatën e vaksinimit, e cila ka për qëllim të imunizojë 50 milionë persona para festës”, tha zyrtari kinez.


Continue Reading

Trending