Connect with us

Maqedoni

Burg për Gruevskin e arratisur, Janakieski mori dënim me kusht

Published

on


Një vjet e gjysmë burg për ish kryeministrin e arratisur Nikolla Gruevski, në rastin “Shuplakat”. Ish-bashkëpunëtori i tij, Mile Janakieski mori dënim me kusht prej një viti nëse në tre vitet e ardhshme nuk kryen vepër penale. Dënimet që ende nuk janë në fuqi i referohen nxitjes së dhunës gjatë protestave para komunës Qendër në qershor të vitit 2013. Qëllimi ishte që të ushtrohet dhunë ndaj kryetarit të atëhershëm Andrej Zhernovski dhe këshilltarëve nga radhët e LSDM-së.

I kanë malltretuar,  i kanë fyer në mënyrë të vrazhdë dhe siguria e tyre ka qenë në rrezik”-tha Dushan Josifoviç, gjykatës.

Prokurorja Fatime Fetai aktvendimin e tillë do ta ankimojë. Ajo thotë se është e kënaqur vetëm me faktin se prokuroria e ka dëshmuar fajësinë e të pandehurve.

Mbrojtja e Janakieskit gjithashtu do të ankohet.

Mendoj se edhe angazhimi i tij është të dëshmojë se ai nuk është fajtor dhe se nuk i ka ndërmarrë veprimet për të cilat fajësohet, që do të thotë se me siguri do të shkruajmë ankesë”-tha Elenko Milanov, avokat.

Pjesëmarrësit në protestat para Komunës Qendër gjithashtu morën dënime me kusht. Aleksandar Trajkovski, i cili vizitoi Gruevskin në Budapest, nuk do ta vuajë dënimin me burg prej nëntë muajve nëse nuk bën ndonjë vepër të re penale. Tre ditë më parë, këshilltarja e atëhershme në Qendër nga radhët e VMRO-DPMNE-së, Daniela Rangelova, u lirua nga aktakuza. Vendimi i sotëm është i pari për Janakieskin dhe i dyti për ish-kryeministrin Gruevski.

 

Igor Stefanovski

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending