Connect with us

Maqedoni

Bullgaria kërkon qartësim të pozicioneve, Radev: Borisov dhe Zaev, të mos bëjnë teatër – Alsat

Published

on

Presidenti bullgar Radev është i prerë se Maqedonia e Veriut mund të nis negociatat me BE-në vetëm pasi t’i pranojë faktet historike objektive dhe pasi të çrrënjoset gjuha e urrejtjes dhe keqpërdorimi i historisë bullgare. Ai tha se si anëtare e përgjegjshme, Bullgari s’mund të lejojë që në Union të integrohet problemi dypalësh.

Do të ishte gabim i madh nëse tani Borisov dhe Zaev bëjnë teatër para publikut dhe nënshkruajnë një deklaratë të re, si ajo e 2017-tës, pa kritere të qarta, pa mekanizma për verifikim dhe pa afate për zbatim. Ne kemi interes më të madh, që vëllezërit tanë nga RMV-ja ta marrin perspektivën e tyre evropiane, pikërisht për këtë tani duhet të presim të ulen emocionet. Të presim një bisedë të qetë, të hapur dhe të shohim shumë qartë pozicionet e dy palëve dhe të mos tundohemi nga zgjidhje të shpejta, duke emituar triumfin për evropianizim. Përderisa prapa asaj fasade vazhdojnë të kalben problemet e regjimit të Titos dhe ideologjia e tij, Bullgaria prej kur nuk arriti t’i përfshijë kërkesat tona në kornizën negociuese, duhet të japë pajtueshmëri për nisjen e bisedimeve, kur të pranohen faktet objektive historike dhe kur procesi i çrrënjosjes së gjuhës së urrejtjes dhe çrrënjosjes së keqpërdorimit të identitetet dhe sovranitetit tonë do të bëhet konstant dhe i pakthyeshëm – tha Rumen Radev, President i Bullgarisë.

Në një linjë me Radevin edhe ministrat Karakaçanov dhe Zaharieva. Kjo e fundit, u shpreh e prerë se Sofja do t‘i bllokojë negociatat e Maqedonisë së Veriut me BE-në, derisa Shkupi të heq dorë nga gjuha e urrejtjes ndaj Bullgarisë. Ajo edhe një herë përsëriti se Sofja nuk e mohon ekzistencën e shtetit maqedonas e as të drejtën për ta emëruar gjuhën ashtu siç do, por se kjo nuk mund të bazohet në gënjeshtra dhe në mohimin e mënyrës se si u krijua ky popull. Zaharieva tha se dëshiron që marrëdhënia mes dy vendeve të jetë si ajo mes Spanjës dhe Amerikës Latine. Ndryshe, mbrëmë në Ministrinë e Jashtme bullgare në bisedë informative ishte ambasadori i RMV-së. Gjatë takimit, pala bullgare kishte kërkuar të merren masa ndaj publikimit të të dhënave të shtetasve bullgarë që jetojnë në RMV dhe thirrjet për linçimin e tyre, ndërsa kishte mirëpritur masat që Shkupi mori ndaj djegies së flamurit bullgar dhe gjuhës së urrejtjes në rrjetet sociale kundër ekzekutivit bullgar.
Ndërkohë, Gjermania e cila kryeson me BE-në, pret gatishmëri më të madhe nga Sofja për të bërë kompromis, duke theksuar që çështja dypalëshe duhet zgjidhur jashtë procesit negociues me BE-në.

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending