Connect with us

Showbiz

Blogeri i njohur muskuloz Dmitriy Stuzhuk që besonte se COVID nuk ekziston, vdes pas infektimit nga virusi

Published

on

Një influencues dhe trajner i fitnesit, i cili ishte shprehur se sipas tij “COVID-19 nuk ekzistonte” ka vdekur në moshën 33 vjeçare, pasi ishte infektuar me coronavirus gjatë një udhëtimi për në Turqi.

Dmitriy Stuzhuk ishte lëshuar nga spitali në Ukrainë (vendi i tij i lindjes), pasi ishte testuar pozitiv – por më pas ai u dërgua sërish me urgjencë pasi shëndeti i tij u përkeqësua me shpejtësi.

Për një milion ndjekësit e tij në rrjetin social Instagram, 33-vjeçari u duk shumë i aftë ndërsa promovonte sportet dhe jetën e shëndetshme, shkruan The Sun.

Por ish-gruaja e tij dhe nëna e tre fëmijëve të tij, Sofia Stuzhuk, 25 vjeçare, e cila njoftoi vdekjen e tij, tha se coronavirusi kishte shkaktuar komplikime në zemër.

Pasi u sëmur, ai u kishte publikuar fansave të tij një fotografi me mbishkrimin: “Unë dua të tregoj se si u sëmura dhe t’i paralajmëroj me forcë të gjithë”.

“Unë isha ai që mendova se COVID nuk ekziston, derisa u sëmura”, shtoi ai.

Influencuesi vazhdoi të shpjegonte: “COVID-19 nuk është sëmundje e shkurtër! Dhe është i rëndë”.

Dmitriy u zgjua në Turqi me një qafë të fryrë dhe vështirësi në frymëmarrje, siç tha ai.

Kur ishte përsëri në Ukrainë, ai u testua pozitiv dhe u shtrua në spital.

“Spitali është i mbushur plotësisht me njerëz, disa prej tyre po trajtohen në korridore”, shkroi ai në një nga postimet e tij pas infektimit.

33-vjeçari tregoi se si i duhej një aparat oksigjeni për frymëmarrje.

Pas tetë ditësh ai u lejua të linte repartin e tij në vend që të qëndronte në spitalin e mbipopulluar të Kievit.

Por pas disa orësh ai u kthye me shpejtësi në spital ku Sofia tha se së shpejti ishte në një “gjendje të rëndë” dhe “pa ndjenja”.

Sofia – e cila ka pesë milionë ndjekës – publikoi një status gjatë kohës sa ish-bashkëshorti i saj po përballej me coronavirusin: “Dima (Dmitriy) kishte probleme me sistemin e tij kardiovaskular…zemra e tij nuk po e përballon”.

Ai pësoi një vdekje klinike por mjekët arritën që t’ia rikthenin zemrën në rrahje.

Ajo shkroi: “Shëndeti i tij është jashtëzakonisht i rëndë. Askush nuk mund të bëjë asgjë me këtë. Unë bëra gjithçka që munda në mënyrë që babai i tre fëmijëve të mi të jetonte. Por asgjë nuk varet nga unë tani”.

Pastaj Sofia me zemër të thyer njoftoi vdekjen e tij.

Çifti kishte tre fëmijë: David, Lola dhe Olivia. Më i vogli është vetëm nëntë muajsh.

Ata u ndanë gjashtë muaj më parë pasi ajo u ankua për “tradhti të vazhdueshme, mallkim, përballje dhe stres”, por kohët e fundit thanë se ishin përsëri në marrëdhënie të mira.

Ajo shkroi pas vdekjes së ish-bashkëshortit: “Vetëm kujtimet e ngrohta kanë mbetur, tre fëmijë të bukur dhe përvojë e vlefshme. Zot, është kaq e tmerrshme të kuptosh se ai nuk është më me ne”. /Telegrafi/

Showbiz

Ylli i “Gilligan’s Island”, Dawn Wells ndërron jetë në moshën 82 vjeçare

Published

on

Dawn Wells, e cila luajti Mary Ann Summer, ka ndërruar jetë në moshën 82 vjeçare.

Ajo ka vdekur të mërkurën në mëngjes në Los Angeles nga COVID-19, sipas publicistit të saj.

Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.

Foto: NBC

Për rolin e Mary Ann, ajo mundi 350 aktore të tjera, përfshirë këtu Raquel Welch.

Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.

Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/

Foto: Getty Images

Continue Reading

Showbiz

Nora Istrefi me biznes të ri

Published

on

Këngëtarja e njohur shqiptare, Nora Istrefi, ka korrur ndër vite suksese të mëdha në profesionin e saj.

Ajo përmes rrjeteve sociale ka bërë të ditur se ka hapur një biznes të ri, që është krejtësisht i ndryshëm nga ajo që ka bërë.

Krijuesja e hitit “Anna” ka njoftuar fansat për një studio të re për fotografi, duke qenë se ishte dëshirë e kamotshme.

Nora Istrefi (Foto: Instagram)

Ky është postimi i plotë i artistes Nora Istrefi (pa ndërhyrje):

“Duke mare per baze qe kam perfunduar fakultetin e dizajnit te modes ,gjithemone me mu ka flejt deshira per te bere edhe dicka ma shume se muzika !

Po e nisi kete vit te ri me nje bisnes te vogel qe lidhet ngushte me fushat e mia te jetes ,perkatesisht me fotografine!

Nisur nga vetja dhe Renee, e di qe cdo nene do deshironte nje set fotografik gjate shtatzanise, te foshjnes se posalindur, me foshjen por edhe me komplet familjen !

Jam munduar dhe po mundohem te krijoj skena te bukura me ekipen time, momente te paharushme per me te dashurit tone.. Shpresoj do ju pelqej dhe do gjeni imagjinaten tuaj ne setet tona dhe projektet ne vazhdimësi”. /Telegrafi/

Continue Reading

Showbiz

Vëllai i Dua Lipës feston ditëlindjen e 15-të, këngëtarja i bën një dedikim të veçantë

Published

on

Ditën e sotme (e mërkurë) feston ditëlindjen e 15-të vëllai i këngëtares Dua Lipa, Gjin Lipa.

Artistja shqiptare me këtë rast i ka bërë një dedikim të veçantë, ku ndërkohë ka zgjedhur edhe disa imazhe të tyre të përbashkëta të realizuara ndër vitesh.

25 vjeçarja në fotografitë që zgjodhi përfshihet edhe motra e Duas, Rina Lipa, e cila vite më parë ka bërë debutimin si fashioniste.

Foto: Instagram

“Urime ditëlindjen për vëllain tim të dashur, Gjin Lipa. 15! Ju jeni më qesharaku, më i miri, më i sjellëshmi e më i kujdesshmi dhe jam shumë krenare për ty. Të dua dhe jam shumë me fat të jem motra jote”, ka thënë ajo.

Urimet për të vëllain e Lipës nuk munguan as nga fansat që numëron në rrjete sociale, duke marrë parasysh që vetëm në Instagram ka mbi 57 milionë.

Dua ndërkaq këtë vit ka qenë mjaft aktive me projekte muzikore, madje në mes të pandemisë solli albumin e dytë “Future Nostalgia”.

Albumi u prit shumë mirë dhe thuajse të gjitha këngët janë shndërruar në hite e me miliona klikime në YouTube. /Telegrafi/

Continue Reading

Trending