Connect with us

Maqedoni

Blerim Bexheti: Fundi i debateve, në zyrën e Ahmetit

Published

on

Të gjitha pakënaqësitë e degëve të BDI-së për mos përfilljen në ndarjen e resorëve kanë përfunduar në zyrën e kreut të partisë Ahmeti. Këtë e konfirmoi vet Blerim Bexheti, njëri ndër kryetarët e degëve i cili kishte shprehur pakënaqësi. Ahmeti tha se debati është shterë.

 “Debatet i bëjmë në zyrë të kryetarit dhe në seli dhe skam çka foli pas kryetarit- tha Blerim Bexheti, kryetar i Komunës së Sarajit.

Blerim Bexheti duket se ka zbutur tonet, pas pakënaqësive të shprehura për anashkalimin e degës së Sarajit në ndarjen e ministrive dhe posteve tjera drejtuese në ekzekutiv.

Edhe kreu i integristëve Ahmeti e pranoi se janë shterë debatet për këtë çështje duke shtuar se partia po përgatitet për zgjedhjet lokale.

 “…nuk kemi kohë të bëhen debate, debati është shterë, institucionet konstituohen, tani duhet të përveshen mëngët, duart që të përgatitemi për zgjedhjet lokale dhe të fillojmë ta implementojmë atë program për të cilin ne kemi dalë para qytetarëve dhe kemi kërkuar besimin e tyre dhe ai besim nuk ka munguar- pohoi Ali Ahmeti, Kryetar i BDI-së.

Pavarësisht premtimeve të zyrtarëve të lartë të BDI-së për hapjen e shpejtë të kufijve, e madje edhe duke paralajmëruar shumë shpejtë pirjen e kafesë në Prishtinë, Ahmeti sot tha se për këtë qëllim duhet respektuar vendimi Institucioneve kompetente.

 “Është çështje e ekspertëve, është çështje e Institutit të lartë të Shëndetit Publik dhe institutet e dy vendeve tona, si të tonit ashtu edhe të Kosovës duhet të bëjnë vlerësim sepse është edhe përgjegjësi e shtetit që gjërat ti vendos sipas vlerësimeve shkencore dhe të ekspertëve- tha Ali Ahmeti, Kryetar i BDI-së

Rreth çështjes së hapjes së Kufijve me Kosovën dhe rajonin, reagoi ashpër edhe opozita shqiptare, e cila kërkoi që ministrat e BDI-së të mos i hapin ato në rrjetet sociale, por të sjellin vendimin në Qeveri.

Mefail Ismaili

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending