Connect with us

Business

Banka Botërore paralajmëroi thellimin e varfërisë në Kosovë për shkak të COVID- 19, Berat Rukiqi del me “rekomandim” për Qeverinë

Published

on

Kryetari i Odës Ekonomike të Kosovës, Berat Rukiqi në një prononcim ka thënë se qeveria duhet të ndërmarr masa, të ketë një plan, dhe një bazë të qartë ligjore për Rimëkëmbje Ekonomike në mënyrë që mos të tkurret më shumë kjo situatë.

“Qeveria duhet të ndërmarr masa, të ketë një plan dhe një bazë të qartë ligjore për Rimëkëmbje Ekonomike që mos të tkurret më shume kjo situatë”, tha Rukiqi.

Në raportin e publikuar të mërkurën nga Banka Botërore për ekonominë në rajonin e Evropës dhe Azisë Qendrore Ekonomia e Kosovës gjatë këtij viti pritet të tkurret për 8.8%.

“Pandemia COVID-19 ka shkaktuar rënie në eksportin e shërbimeve dhe zvogëlim të investimeve dhe konsumit.

Gjithashtu qeveria është përgjigjur shpejt duke siguruar përkrahje për firmat dhe punëtorët, megjithatë punësimi pritet të ulet ndërsa varfëria të rritet” thuhet në raport.

Ndërkohë në raportin e Bankës Evropiane për Rindërtim dhe Zhvillim (BERZH), të publikuar më 1 tetor, thuhet se ekonomia e Kosovës pritet të tkurret rreth 5 për qind këtë vit si pasojë e pandemisë me koronavirus, mirëpo vitin e ardhshëm mund të kthehet në binarë me një rritje prej 4 për qind.

Alsat