Showbiz
Arjola Demiri takon tre fëmijët pas mbi 120 ditësh në shtëpinë e Big Brother VIP – teksa produksioni i dhuron një banesë
Aktorja e njohur, Arjola Demiri është ndër banoret e para që ka nis rrugëtimin në shtëpinë e Big Brother VIP duke qenë brenda mbi 120 ditë tashmë.
Ajo vazhdimisht ka rrëfyer për sakrificat që ka bërë në jetë, ndërsa ka folur edhe për tre fëmijët e saj, për të cilët thotë se janë arsyeja pse ajo ka vendosur të bëhet pjesë e spektaklit.
Ndërsa, sonte (e premte) ajo është befasuar nga “Vëllai i madh” duke i takuar fëmijët e saj, takimi që u përcoll me shumë lot e emocione nga aktorja.
Foto: Top Channel
Por, befasitë për të nuk përfunduan me kaq, produksioni i Big Brother VIP i dhuroi aktores dhe fëmijëve të saj edhe një banesë në të cilën do të zhvendosen pas daljes së saj nga shtëpia.
Foto: Top Channel
Pas, kësaj befasie aktorja tha se ka mbetur pa fjalë, pasi ky ishte qëllimi i saj që i vendosi vetës kur hyri në BB VIP, që të siguronte një shtëpi për fëmijët e saj.
Foto: Top Channel
Ndërkohë, kujtojmë që Arjola është në nominim për t’u eliminuar bashkë me Einxhel, Beniadën dhe Donaldin. /Telegrafi/