Connect with us

Maqedoni

Ambientalistët: Metoda e pastrimit po dëmton Lumin Drini i Zi

Published

on


Lumi Drini i Zi në Strugë, tashmë 10 ditë i ngjan një vend ndërtimi. Makineri të rënda të ndërtimit, maune dhe ekskavatorë, po punojnë për të thelluar shtratin e lumit, dhe për ta pastruar atë nga mbetjet e akumuluara për gati katër dekada. Edhe pse ata që e njohin situatën besojnë se një aktivitet i tillë ishte më se i nevojshëm, ata mendojnë se mënyra e realizimit të punëve, është dashur të realizohet ndryshe, pra me metoda ekologjike.

Është një projekt i zbatuar me ndihmën e UNDP-së dhe në bashkëpunim me Ministrinë e Mjedisit dhe Komunën e Strugës.

Pastrimi i fundit i shtratit të lumit u krye në vitin 1985. Një sasi serioze e materialit të tillë të grumbulluar do të hiqet nga shtrati i lumit, i cili është një rrezik serioz gjatë përmbytjeve, sepse i gjithë uji që bartet nëpër lumin Drini Zi, pas shtratit të rregulluar të lumit paraqet rrezik për përmbytjen e vendbanimeve përgjatë lumit Drin”-tha Nikolla Zdravevski-menaxher i projektit në UNDP.

Por Zdraveski, për dallim nga ambientalistët, thotë se sipas lejeve të marra nga Ministria e Mjedisit, aktivitetet e ndërmarra nuk do të kenë ndikim negativ në botën e gjallë në vetë lumin, sepse ajo që po pastrohet tani është vetëm shtrati i lumit në pjesën urbane të qytetit. Është marrë parasysh që shtrati i lumit të mos lihej në asnjë moment pa ujë, pra të kishte një minimum biologjik. Pritet të nxirren rreth 2000 metra kub sediment, llum dhe material tjetër.

Miki Trjkovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending