Connect with us

Business

Agroturizmi, si u kthye një histori suksesi në luftë me pandeminë

Published

on

Natyra ishte kura e shqiptarëve këtë verë, pas muajve të izolimit dhe rrjetet sociale u mbushën me “bloger” që postonin foto nga çdo cep i Shqipërisë.

Nuk munguan destinacionet popullore e ato më pak të njohura. Mund të gjeje gjithçka, mal, det, fushë, ujëvarë, pyje e bukuri natyrore pafund, që fatmirësisht Shqipërisë nuk i mungojnë. Po a ka qenë kaq e gjallë jeta në zonat rurale, ku kanë lulëzuar viteve të fundit disa “oaze” ndryshe, të njohura si agroturizme?

Historitë ndryshojnë nga njëri rast në tjetrin, në varësi të disa faktorëve si “marka” që kanë krijuar, marketimi që i kanë bërë asaj, vitet në treg, pozicionimi gjeografik.

Sigurisht viti 2020, për shkak të pandemisë, ka rezultuar sfidues për çdo biznes, por agroturizmet duket se ia kanë dalë të ecin përpara, duke ndihmuar jo vetëm biznesin e tyre, por edhe ekonominë lokale përreth.

Rastet e suksesit nuk kanë munguar, ku frekuentimi madje ka rezultuar edhe më i lartë se një vit më parë. Ashtu sikurse nuk kanë munguar ato raste, ku mbijetesa këtë vit është siguruar me vështirësi, por në një mënyrë apo në një tjetër, të gjithë po luftojnë për të mbajtur në këmbë atë biznes, që në të gjitha rastet ka në gjenezë dashurinë për “rrënjët”.

Fatmirësisht, agroturizmet nuk e shohin të lidhur aktivitetin e tyre vetëm me verën. Ndaj frekuentimi përtej stinës së nxehtë, në vjeshtë apo në dimër, është një shpresë më shumë për të rikuperuar diçka nga humbja që u shkaktua në fillim të pandemisë. Por kjo mbetet për t’u parë.

Markat” e forta, 30% më shumë vizitorë se një vit më parë 

Ka një kontrast të fortë në atë që pritej pas daljes nga izolimi dhe asaj çka rezultoi në muajt e verës. Altin Prenga nga “Mrizi i Zanave”, që ndodhet në Fishtë të Lezhës, është krejtësisht i befasuar nga interesi i madh i vizitorëve. Pritshmëritë në muajin qershor ishin për një ecuri të vakët, duke pasur parasysh pandeminë, por në fakt realiteti rezultoi ndryshe.

“Frekuentimi në agroturizmin tonë ka rezultuar 30% më i lartë sesa një vit më parë. Nga muaji qershor e në vazhdim, ne kemi pasur rritje në raport me shifrat që kishim në vitin 2019. Gushti ishte një muaj spektakolar, por edhe korriku ishte shumë mirë.

Gjatë gjithë sezonit kemi pasur punë. Na ka favorizuar fakti që kemi hapësira të mjaftueshme për të ulur vizitorët jashtë, madje e kemi zgjeruar kapacitetin.

Sigurisht që pandemia na dha një lloj goditje në fillim, pasi për dy muaj ishim mbyllur. Dhe me keqardhje them që ajo periudhë na prishi edhe ekuilibrin me fermerët, me të cilët kishim marrëveshje, kryesisht me ata të mishit” – pohon Prenga.

Ai thekson se pavarësisht përshtatjes gjatë asaj kohe, për të shitur produkte natyrale nëpërmjet porosive në Tiranë, Durrës e zonat përreth, për mishin ishte disi e vështirë.

“Rritja e frekuentimit na shërbeu që, deri diku, të ishim korrektë me fermerët me të cilët kemi një marrëdhënie për një kohë të gjatë dhe u kishim dalë garant për prodhimin që u kishim kërkuar. Mendoj se kemi rikuperuar atë që humbëm gjatë kohës së izolimit. Kemi shtuar edhe stafin e punonjësve duke arritur në 80” – tregon ai.

Gushti, muaji më i mirë, efekti pozitiv i turizmit patriotik 

Mastershef Fundim Gjepali e priste këtë vit të ishte më i vakët për shkak të pandemisë, por mendon se tani në finale, turizmi patriotik ka luajtur rolin kryesor në mbijetesën e këtij sektori. “Agroturizëm Gjepali”, i ngritur në Gjepalaj në zonën e Shijakut, edhe pse në vitin e dytë të aktivitetit, duket se ka krijuar emrin e tij të mirë dhe sidomos pjesa e shqiptarëve të Kosovës e kanë zgjedhur në masë.

“Mendonim që situata këtë vit do të ishte katastrofike, por them se do të mbijetojmë.

Gushti ka qenë një muaj i mirë dhe me rritje, ndërsa qershori ishte disi i dobët, pasi sapo ishin hequr masat kufizuese. Kam vënë re se turizmi patriotik na ka siguruar mbështetjen e nevojshme, qoftë turistët nga Kosova, me frekuentim të konsiderueshëm, ashtu edhe emigrantët, të cilët kanë ardhur nga jashtë, por më të pakët në numër” – tregon Gjepali.

Pavarësisht zymtësisë që ka sjellë në përgjithësi, në çdo sektor të ekonomisë, pandemia, mastershef Fundimi thotë se ajo ishte provë për një sektor që po rritet e zhvillohet në një terren të ri, siç është agroturizmi. Kalimi i kësaj prove me sukses tregon se e ardhmja do të jetë shumë më mirë.

“Në Shqipëri ka shumë agroturizme dhe mendoj se një pjesë e mirë që ndodhen afër me qendrat e mëdha do t’ia dalë ta kalojë më lehtë këtë situatë. Nga informacionet që kam, pjesa e agroturizmeve të thella ka pasur pak probleme dhe ndoshta do ta kenë më të vështirë. Në tërësi, pjesa e Shqipërisë së Mesme, ku dhe dendësia e popullatës është më e madhe, ka qenë më mirë sesa pritshmëria” – pohon ai.

Një paketë e veçantë e qeverisë, që mbështeste agroturizmet, por vendoste edhe kushte për certifikimin e tyre, sanksiononte ngritjen e strukturave akomoduese. Agroturizëm Gjepali ka pjesën e hotelit të integruar, por duket se ecuria e tij, në raport me restorantin, ka qenë e dobët.

Investimet në bujtina kanë vazhduar, rasti i Roshnikut në Berat 

Në Roshnik, një fshat afër Beratit, tre vëllezërit Fiska i kanë dhënë jetë “Alpeta Agroturizëm”, ngritur pranë shtëpisë së tyre të vjetër, e kthyer në bujtinë. Ky agroturizëm ka marrë së fundmi formën finale, duke u plotësuar me të gjithë elementet, por rrugëtimi që ka nisur nga viti 1992, në themel ka pasur vreshtarinë.

“Investimi ynë nisi nga viti 1992-1993, kur u mbollën vreshtat e para, pasi babai ishte me profesion agronom dhe ushqente një dashuri të madhe për tokën dhe autoktonen.

Në vitet ’94-’95 nisëm të prodhonim për herë të parë verë dhe raki për shitje, në një kantinë modeste dhe vit pas viti, u munduam të përmirësonim prodhimin dhe të rrisnim sasinë e cilësinë e asaj që ofronim.

Na ka ndihmuar fakti që jemi afër me Beratin, një atraksion turistik që ngjall kureshtje dhe kjo ka bërë që të kemi më shumë vizitorë. Gjithsesi, ata që na vizitonin në hapat e parë ishim miq e shokë, që donin të degustonin pijet në kantinën tonë.

Të paktën 10 vite më parë, kjo ndodhte” – na tregon Petrit Fiska, një nga tre vëllezërit që kanë nën menaxhim agroturizmin. Në vitin 2014, aplikojnë pranë Agjencisë për Zhvillim Bujqësor dhe Rural dhe falë një fondi të fituar, arrijnë që të bëjnë rikonstruksionin e kantinës.

Kjo rriti interesin e vizitorëve, që donin të shihnin nga afër prodhimin e verës dhe ta shijonin atë. Përveç njohësve të verës, po shtoheshin gjithmonë e më shumë grupet e turistëve të huaj, të cilët pasi vizitonin Beratin, i drejtoheshin Roshnikut.

Kishte ardhur koha që vëllezërit Fiska të mendonin për diçka më atraktive dhe që u përshtatej kërkesave të turistëve dhe vendosën të integronin më shumë shërbime./Monitor

Alsat

Click to comment

Leave a Reply

Your email address will not be published. Required fields are marked *

Business

Të revoltuar me Qeverinë, organizatorët e ahengjeve vazhdojnë protestën

Published

on

Kompanitë e industrisë për organizimin e dasmave dhe ahengjeve protestojnë para qeverisë për të dytën ditë me radhë. Janë të revoltuar, siç thonë, që autoritetet e shohin gjendjen e tyre me përbuzje. Sipas organizatës pa ndihmë shtetërore do të duhet t’i mbyllin ndërmarrjet dhe t’i largojnë punonjësit nga puna. Një pjesë e kompanive në këtë veprimtari janë me 30 vjet ekzistencë dhe punësojnë mbi 10 mijë persona. Deficiti në këtë industri tejkalon 60 % krahasuar me vitin 2019, si rezultat i krizës ekonomike dhe shëndetësore. Qeveria është e mendimit se kjo industri është e përfshirë nga pakoja e pestë e masave, përkatësisht janë siguruar një milion euro, fonde të pakthyeshme për organizimin e të paktën 40 ngjarjeve, të cilat presin të angazhohen më shumë se 100 kompani si organizatorë, prodhues dhe qiramarrës të teknikës, por edhe angazhimi i artistëve, muzikantëve, aktorëve, punonjësve të kulturës, fotografëve, kameramanëve, producentëve, teknikëve dhe profesioneve të tjera që zakonisht merren me ose rreth industrisë së ngjarjeve.

Le të hyjë dikush në lëkurën tonë dhe le ta shohë se si duket të jesh pa të ardhura 14 muaj, të mos fitosh asgjë, të habiteni se si i  mbuloni shpenzimet. Nuk janë vetëm pagat e punonjësve që duhet të mbulohen, por kemi shumë kosto të tjera”, tha Maja Babiq, kryetare e shoqatës së industrisë së ngjarjeve.

Alsat

Continue Reading

Business

Ligjet nga pakoja e pestë, deri nesër në Komisionin për Financim dhe Buxhet

Published

on

Propozim-ligjet nga pakoja e pestë e masave ekonomike do t’u paraqiten deputetëve në Komisionin për Financa dhe Buxhet më së voni deri nesër. Kryetari i komisionit, Timço Mucunski, thotë se debati i amendamenteve duhet të mbarojë brenda një dite ndërsa për ligjet pret që të dorëzohen amendamente, të cilat do t’i referoheshin vetëm zgjatjes së afateve të skaduara tashmë. Megjithatë, mbetet që grupet e deputetëve në Kuvend të koordinohen së bashku për paraqitjen e amendamenteve, thotë Mucunski.

Me siguri do ta caktojmë seancën sot pasdite ose gjatë ditës së nesërme. Me siguri do të ketë edhe disa ndryshime thelbësore të ligjit në lidhje me afatet për të mos u krijuar pengesa shtesë për njerëzit dhe kompanitë që do të aplikojnë për këtë ndihmë. Pres që debati të zgjasë një ditë pune dhe pastaj ligji të përcillet në seancën plenare – deklaroi Timço Mucunski – deputet i VMRO-DPMNE-së.

Ligjet nga pakoja e pestë, duhet të paraqiten përpara Komisionit. Midis tyre janë edhe propozim-ligjet për mbështetjen financiare për pagesën e pagave për kompanitë dhe kryerësit individual të pavarur. Kompanitë duhej të merrnin ndihmën në shkurt dhe mars ndërsa për shkak të mosmiratimit në kohë të këtyre masave, mijëra qytetarë mbetën pa paga. Përveç këtyre ligjeve, propozim-ligji për ndihmë për qytetarët të cilët për shkak të afateve të shkurtra nuk kanë marrë gjashtë mijë denarë të ndihmës shtetërore vitin e kaluar duhet t’i paraqitet Komisionit. Ky ligj gjithashtu pritet të ndryshohet për ta zgjatur afatin, i cili ishte planifikuar të ishte 31 marsi.

Andrea Cobanova

Alsat

Continue Reading

Business

Më në fund paga minimale në Kosovë po rritet

Published

on

E caktuar në vitin 2011 me vendim të Qeverisë që aso kohe drejtohej nga kryeministri Hashim Thaçi, paga minimale në Kosovë nuk ka ndryshuar më asnjëherë. Edhe pse ka kaluar një dekadë nga ajo kohë, paga minimale ka mbetur 130 euro për të punësuarit e moshës nën 35 vjeç, si dhe 170 euro për të punësuarit e moshës mbi 35 vjeç. Për rritjen e pagës minimale, vazhdimisht ishin bërë premtime elektorale nga subjekte politike që kanë udhëhequr deri më tani me vendin por si të tilla ato kanë mbetur vetëm premtime. Së fundmi edhe kryeministri i sapozgjedhur, Albin Kurti premtoi rritje të pagës minimale në 250 euro.

Ndonëse sipas propozimit të Këshillit Ekonomiko-Social, Qeveria e Kosovës do të duhej që në fund të çdo viti kalendarik sipas ligjit në fuqi, të përcaktojë pagën minimale, një gjë e tillë nuk është bërë për 10 vite me radhë.

Në mesin e zotimeve të shumta, kryeministri Albin Kurti gjatë fushatës elektorale për zgjedhjet e fundit të 14 shkrutit, ka premtuar rritje të pagës minimale prej 250 euro, duke i përjashtuar po ashtu këtë kategori edhe nga tatimi në të ardhurat personale.

Nga njëri prej dikastereve kryesore në Qeverinë “Kurti 2”, Ministria e Financave kanë thënë  se premtimi i kryeministrit Kurtit, pritet të implementohet shumë shpejtë.

Madje, sipas zëdhënësit të Ministrisë së Financave, Muharrem Shahini, ashtu siç ishte proklamuar, rritja e pagës minimale nuk do ta prek edhe vlerën e pensioneve të përfituesve të skemave sociale.

“Çështja e rritjes së pagës minimale , ashtu edhe siç është prezantuar në Planin e Qeverisë nga Kryeministri do të imlementohet shpejtë. Po ashtu vlen të theksohet se vlera e pensioneve të përfituesêve të skemave sociale nuk është e lidhur me pagën minimale”, tha Shahini.

Premtime për rritjen e pagës minimale i janë bërë vazhdimisht edhe kryetarit të  Bashkimit të Sindikatave të Pavarura të Kosovës, Avdi Ajdinit i cili u shpreh optimist për realizimin e këtij premtimi nga ana e kryeministrit Kurti.

Ai madje thotë se rritja e pagës minimale do të duhej të bëhej 350 euro.

 “Ne kemi pasur si premtim pozitiv. Ne kemi luftuar me Qeveritë tjera për tu realizuar kjo e drejtë e punëtorëve po me asnjë Qeveri nuk kemi pasur mundësi ta realizojmë. Premtimi i Kurtit gjatë fushatës elektorale mbi rritjen e pagës minimale, unë besoj që do ta realizojë. Kurti ka premtuar rritje të pagës minimale prej 250 euro, ndërsa ne po kërkojmë që kjo të rritet e të bëhet 350 euro”, tha Ajdini.

Ajdini ka treguar se së fundmi përmes një shkrese të dërguar i ka kërkuar kryeministrit Albin Kurtit takim për të diskutuar edhe rreth rritjes së pagës minimale.

“Unë ja kam bërë një shkresë kryeministrit Albin Kurtit më 31 mars të këtij viti, përmes së cilës i kam kërkuar takim. Në takim kam planifikuar të diskutojë për pesë pika kryesore, në mesin e tyre edhe për rritjen e pagës minimale në Kosovë. Nuk kam marrë ende përgjigje”, theksoi ai.

E, për njohësin e çështjeve ekonomike, Musa Limani, rritja e pagës minimale në vend para se të implementohet do të duhej të siguroheshin mjetet financiare pasi që sipas tij, kjo do ta ngarkojë edhe buxhetin e Kosovës.

“Edhe nëse paga minimale bëhet 350 euro nuk ka asgjë të keqe, mirëpo duhet të ketë parasysh të sigurohen mjetet për rritjen e pagave, për arsye se pagat minimale te ne janë jashtëzakonisht të ulëta 130-170 euro. Sigurisht që do ta ngarkojë buxhetin e Kosovës dhe normal që pastaj do të ndikojë dhe do të jetë e obligueshme edhe për sektorin privat. Kjo mundet me qenë shpat me dy teha sidomos te sektori privat që mundet të kolapsojë. Kurse te sektori publik, duhet të sigurohen mjetet buxhetore”, tha Limani.

Bazuar në të metodologjinë ndërkombëtare rreth çmimeve të publikuara në Agjencinë e Statistikave të Kosovës për artikujt kryesor ekzistencial për vitin 2020, paga minimale në Kosovë do të duhej të ishte nga 280 deri në 300 euro. 

Alsat

Continue Reading

Trending