Connect with us

Maqedoni

80 raste të reja me Kovid-19, tre viktima dhe 97 të shëruar

Published

on


80 rastet e reja në 24 orët e fundit janë rezultat i 680 testeve të bëra, ndërsa të shëruar janë regjistruar 97 pacientë. Në kushte spitalore kanë ndërruar jetë tre pacientë, 48 vjeç nga Shkupi, 68 nga Struga dhe 78 vjeç nga Strumica. Ndërkaq, kanë arritur limitet e tyre kapacitete spitalore, të cilat trajtojnë pacientë të infektuar me CoVid-19. Në Klinikën Infektive janë pranuar 4 pacientë, ndërsa të shtruar janë 95. Spitali modular mbetet i papërdorur, por në gjendje gatishmëria, thonë nga MSH.

“Në Klinikën Infektive aktualisht janë në oksigjeno terapi 54 pacientë dhe nuk ka asnjë në frymëmarrje artificiale. Në Spitalin e Kozles janë të hospitalizuar 6 fëmijë dhe 6 nëna pozitiv me virusin korona si dhe 3 fëmijë e 3 nëna të dyshimta me këto simptome. Ndërkaq, në Spitalin ‘8 Shtatori’ nuk ka pranim të rasteve të reja. Mbetet shifra e të shtruarve në 44, prej të cilëve 2 janë në ventilim mekanik”, njoftojnë nga Ministria e Shëndetësisë.

Në Manastir 32, në Shtip 49 pacientë të shtruar, ndërkaq në repartet infektive të Tetovës, Strumicës, Kumanovës, Ohrit, Velesit, Prilepit, Gostivarit, Strugës e Koçanit janë duke u trajtuar 194 pacientë.

Ndërkaq, Ministria e Arsimit informon se virusi po avancon edhe nëpër shkolla, ku 7 nxënës dhe 5 arsimtarë janë aktiv me CoVid-19 nga mësimi në prani fizike. Sipas tyre, këto raste nuk kanë pasur kontakte me të tjerët, kështu që po trajtohen sipas rekomandimeve të Qendrave të Shëndetit Publik.

“Duke përfshirë këta 12 pacientë të sotshëm, gjithsej janë 42 raste aktive të nxënësve dhe 65 te arsimtarët. Prej tyre, 29 nxënës janë nga shkollat fillore, 13 nga të mesmet, ndërkaq 47 arsimtarë nga shkollat fillore dhe 18 të tjerë nga të mesmet”, thonë nga Ministria e Arsimit.

Pas bojkotit dyjavor, nxënësit e shkollave të mesme të Strugës nga sot janë ulur para kompjuterëve për të ndjekur mësimin online. Ky vendim vjen pas njoftimeve nga drejtoritë e shkollave në Strugë se do të vijojnë sanksione për ata nxënës që nuk do të kthehen në shkollë, madje edhe përjashtime.

“Këto janë lëndë që duhet të realizohen në shkollë, siç është mësimi praktik nëpër kabinete, punëtori, laboratorë…”, tha Mile Poposki- drejtor i shkollës së mesme “Niko Nestor”.

Mësim ka edhe në të gjitha shkollat fillore dhe zonat e Strugë, ku kishte bojkot të pjesshëm deri javën e kaluar. Por, nga i interneti i dobët, vetëm një numër i vogël i nxënësve kyçen në program.

Përkundër uljes së shifrave në bazë ditore, tri janë vatrat në rritje të CoVid-19 në Qytetin e Shkupit. Rastet aktive mbi 300 pacientë kanë kaluar në tri komunat, ku prinë Aerodromi me 338, Qendra me 328 dhe Karposhi me 317 raste aktive. Ndërsa në gjithë Shkupin ka 1,802 raste aktive.

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending