Connect with us

Entertainment

​Si dhe kur duhen përdorur maskat nga fëmijët – ALSAT-M

Published

on


Zyra e Organizatës Botërore të Shëndetësisë në Tiranë dhe UNICEF-i rekomandon që përdorimi i maskës nga fëmijët varet nga mosha e tyre dhe situata në të cilën ndodhen.

Fëmijët nën e deri në moshën 5 vjeç nuk duhet të përdorin maska prej pëlhure. Për moshat 6-11 vjeç, vendimi merret duke gjykuar sipas rastit mbi shkallën e rrezikut në kushtet e transmetimit me përhapje të gjerë, duke vlerësuar posaçërisht, si aftësinë që fëmijët ta përdorin maskën siç duhet, ashtu edhe mbikëqyrjen e të rriturve.

Për fëmijët mbi 12 vjeç, mbeten në fuqi rregullat që zbatojnë të rriturit, sidomos në zonat ku virusi është shumë i përhapur dhe distancimi fizik nuk mund të arrihet.

Fëmijët që kanë sëmundje të tjera bashkëshoqëruese duhet ta përdorin maskën vetëm pasi të këshillohen me mjekun e tyre.

OBSh-ja dhe UNICEF-i e kanë përpunuar këtë udhëzim mbështetur mbi parimin që të “Mos Demtojmë Fëmijët”, duke njohur fazat e tyre të zhvillimit, mësimit dhe shoqërizimit.

Sipas të dhënave, fëmijët mund të infektohen me COVID-19 por shumica e këtyre rasteve kalojnë një sëmundje të lehtë.

Të dhënat e mbledhura deri tash tregojnë se transmetimi i virusit që shkakton CODID-19 përmes fëmijëve ndryshon sipas moshës.

Nga të gjitha të dhënat e rasteve të raportuara me COVID-19 nga Shtetet Anëtare të OBSh-së dhe disa studimeve, fëmijët përfaqësojnë 1-7% të rasteve në shkallë botërore.

Maskat janë pjesë e një pakete gjithëpërfshirëse masash për të frenuar transmetimin e sëmundjes dhe për të shpëtuar jetë. Larja e shpeshtë e duarve, mbulimi i kollitjes apo teshtitjes me këndin e bërrylit të përthyer apo shami letre njëpërdorimshme, ruajtja e distancës prej të paktën 1 metër, mosprekja e fytyrës, si dhe vendosja e maskës kur është e përshtatshme, janë vendimtare për parandalimin e transmetimit’, informon zyra e OBSH-së në Tiranë.

Vendimi nëse maskat duhen përdorur nga fëmijët në shkolla, merren nga autoritetet e vendit, të cilët duhet të marrin në konsideratë udhëzimet e OBSh-së dhe UNICEF-it, si dhe udhëzimet për masat e ruajtjes së shëndetit publik në kontekstin e COVID-19 dhe kuadrin rregullator për rihapjen e shkollave.

“Asnjë fëmije nuk duhet t’i mohohet e drejta e arsimit për shkak të vendosjes së maskës (p.sh., në rastet kur fëmija nuk mund ta përdorë maskën) apo për shkak të mungesës së maskës (për arsye të burimeve të kufizuara apo mungesës së tyre)”, shprehet zyra e OBSH-së.

Click to comment

Leave a Reply

Your email address will not be published. Required fields are marked *

Entertainment

Humbi gruan nga COVID-19, kolegët gjermanë ndihmojnë shqiptarin dhe foshnjën e porsalindur

Published

on

Një shqiptar i Kosovës i cili jeton në Gjermani humbi gruan e infektuar me Covid vetëm pak pas lindjes.

30 vjeçari pas humbjes së bashkëshortes u gjend i vetëm me një foshnjë të sapolindur por fati deshi që kolegët e tij në kompaninë Odenwäller nga Butterstadt të mos e braktisin dhe ti qëndrojnë sa më pranë për të kaluar këtë situatë të vështirë.

Kolegët kanë filluar një fushatë ndihme për babain e ri i mbetur i vetëm me djalin e tij të sapolindur.

Mediat gjermane bëjnë me dije se fatkeqësia për familjen shqiptare nisi pas infektimit të dy prindërve të foshnjës me Covid, ku gruaja ishte në muajin e 7 të shtatzanisë.

Përkeqësimi i gjendjes së nënës bëri që mjekët të ndërhyjnë dhe të sjellin në jetë foshnjën. Djali peshonte vetëm 980 gramë në lindje, dhe pas prerjes cezariane, nëna e re vihet në koma artificiale në mënyrë që ajo të vazhdojë të furnizohet me oksigjen.

Por, pavarësisht kujdesit të mirë mjekësor në Spitalin Universitar të Frankfurtit, gjendja e saj po përkeqësohej dukshëm duke humbur betejën.

Continue Reading

Entertainment

Vetura luksoze që askush nuk e dëshironte

Published

on

Ka kaluar saktësisht një çerek shekulli nga prezantimi i makinës së fundit të pasagjerëve të markës së famshme nfa Çekia.

Tatra është një emër me një histori të pasur që daton që nga shekulli i 19-të.

 

OLYMPUS DIGITAL CAMERA

Ky prodhues çek i makinave luksoze i mbijetoi Luftës së Dytë Botërore dhe pushtimit gjerman, dhe më pas periudhës së pasluftës dhe autoriteteve komuniste, për t’iu nënshtruar përfundimisht gjatë tranzicionit në vitet 1990.

Sot është i njohur për prodhimin e kamionëve dhe automjeteve ushtarake.

Ky vit shënon një çerek shekulli që nga premiera e makinës së fundit të pasagjerëve që mban emërtimin Tatra. Ai është një model 700, bazuar në paraardhësin e tij, Tatra 613.

Kjo veturë është bërë për vetëm tre vjet, deri në vitin 1999, dhe në atë periudhë u prodhuan më pak se 100 kopje. Mundësohej nga një motor me benzinë ​​V8.

 

Continue Reading

Entertainment

Insekti nga Kosova bëhet lajm në botë

Published

on

Zbulimi i insektit “Potamophylax coronavirus” në Kosovë është bërë lajm botëror.

Pak ditë pasi profesori i shkencave në degën e biologjisë, Halil Ibrahimi, njoftoi për zbulimin dhe u shpreh se ky insekt jeton vetëm në Bjeshkët e Nemuna, për të ka shkruar edhe mediumi i njohur për zbulime shkencore “Phys.org”.

Duke iu referuar publikimit në revistën prestigjioze “Boidiversity Data Journal”, kjo faqe ka shkruar se pas analizave molekulare dhe morfologjike ishte kuptuar se është specie në të cilën shkenca s’kishte pasur qasje më herët.

Continue Reading

Trending