Connect with us

Business

​Mustafa: Dëmet në bujqësi janë të mëdha, kompensimi pas vlerësimeve

Published

on

Të gjithë fermerët e dëmtuar nga reshjet e fundit do të kompensohen nga Ministria e Bujqësisë pas vlerësimeve të të gjitha dëmeve në bujqësi që janë mjaft të mëdha.

Kështu ka thënë sot ministri në detyrë i Bujqësisë, Besian Mustafa gjatë vizitës që iu ka bërë fermerëve në Gjakovë, Junik dhe Klinë.

Mustafa tha se pas mbledhjes së raporteve nga të gjitha komunat për dëmet në bujqësi, Ministria e Bujqësisë do t’i kompensojë financiarisht të gjithë fermerët e dëmtuar.

Mustafa: Kompensimi financiar, pas vlerësimit të dëmeve

“Në këtë rast gjatë vizitave në terren po shfrytëzoj rastin të shoh edhe fermerët që janë dëmtuat nga reshjet e fundit në këtë regjion. Në bashkëpunim me institucionet komunale edhe komisionet që do të bëjnë evidentimin dhe vlerësimin e dëmeve për të bërë pastaj edhe kompensimin financiar të këtyre dëmeve të shkaktuara nga fatkeqësitë natyrore. Momentalisht jemi në komunën e Klinës te një fermer që ka një serë grant nga Ministria e Bujqësisë që ka pësuar nga reshjet e fundit, e që do të shohim edhe mundësinë që pas vlerësimeve të këtyre dëmeve të bëjmë edhe kompensimin financiar”, tha ai.

Për vlerësimin e dëmeve të shkaktuara si pasojë e vërshimeve të fundit, ministri Mustafa tha se është një proces që merr kohë.

Mustafa: Vlerësimi i dëmeve merr kohë

“Është një proces që merr kohë, duhet mbledhur raportet e të gjitha komunave, nuk është vetëm kjo komunë, fatkeqësisht është një numër i madh i komunave ku kanë pësuar fermerët nga fatkeqësitë natyrore ose nga reshjet e fundit. Do të bëjmë një përmbledhje përfundimtare nga të gjitha këto raporte për të gjithë fermerët, do të nxjerrim edhe një vendim në Qeveri dhe pastaj Ministria e Bujqësisë përmes buxhetit që për herë të parë më 2020 për të vazhduar edhe më 2021 kemi një buxhet të ndarë ose kod të veçantë për kompensimin e këtyre dëmeve”, tha Mustafa.

Ai gjatë vizitës te fermeri Milot Jusufi në Bokshiq të Klinës tha se kanë parë nga afër edhe rezultatet e punës së dy programeve të Ministrisë së Bujqësisë, programi për grante në vlerë 29 milionë euro për periudhën korrik 2020-dhjetor 2021 dhe mbi 70 milionë euro të formave të ndryshme të subvencioneve dhe kompensimin e dëmeve.

Po ashtu ministri në detyrë ka vizituar edhe fermerin Bardhyl Marmullaku në Klinafc të Klinës.

Alsat

Click to comment

Leave a Reply

Your email address will not be published. Required fields are marked *

Business

PE kërkon ndaljen e projektit të gazsjellësit rus

Published

on

Parlamenti Evropian pritet të miratojë një rezolutë e cila i bën thirrje Bashkimit Evropian të ndalojë ndërtimet në tubacionin Rrjedha Veriore 2, i cili do të transportonte gaz natyror rus në Gjermani përmes Detit Baltik.

Ligjëvënësit po kërkojnë vendosjen e sanksioneve të zgjeruara kundër Rusisë pas arrestimit të liderit të opozitës, Aleksei Navalny. Ai u arrestua pas kthimit në Moskë pasi u trajtua në Gjermani për helmim me një agjent nervor.

Rusia ka kundërshtuar thirrjet ndërkombëtare për lirimin e Navalnyt.

Rezoluta jo-detyruese kërkon që sanksionet e BE-së të vendosura tashmë ndaj zyrtarëve rusë, përgjegjës për helmimin e tij, të zgjerohen edhe me ata që janë përfshirë në burgimin e kritikut të Kremlinit.

Sanksionet duhet të përfshijnë gjithashtu “oligarkët rusë”, “rrethin e ngushtë” të presidentit Vladimir Putin dhe “propaganduesit e medias”, në mënyrë që BE ta bëjë të qartë se “nuk do të jetë më një vend mikpritës për pasurinë ruse me origjinë të paqartë”, kërkojnë ligjvënësit evropianë.

Rezoluta thotë se shtetet anëtare të BE-së duhet të “rishikojnë bashkëpunimin me Rusinë në platforma të ndryshme të politikës së jashtme dhe në projekte të tilla si Rrjedha Veriore 2, përfundimi i të cilave duhet të ndalet menjëherë”.

Ministrat e jashtëm të BE-së pritet të diskutojnë për këtë çështje javën e ardhshme, por çdo vendim i mundshëm mbase do të merret pas përfundimit të procedurave gjyqësore kundër Navalny-t.

Ekziston një presion në rritje mbi qeverinë gjermane, brenda dhe jashtë vendit, për të ndaluar Rrjedhën Veriore 2, e cila mundëson dyfishimin e kapacitetin të gazsjellësit ekzistues nënujor Rrjedha Veriore nga Rusia në Gjermani.

Qeveria amerikane dhe disa anëtarë të BE-së duan që projekti të ndalet. Ata thonë se kjo do të forcojë energjinë e Rusisë në Evropë dhe do të zvogëlojë rolin e Ukrainës si një vend tranzit për gazin rus.

Më 19 janar, Shtetet e Bashkuara sanksionuan një anije ruse për vendosjen e tubave në përpjekjen e tyre të fundit për të ndaluar projektin, i cili është 94 për qind i përfunduar.

Pavarësisht kritikave në rritje, ministria gjermane e Ekonomisë tha më 20 janar se planet e saj për projektin janë “të pandryshuara”.


Alsat

Continue Reading

Business

Bekteshi: Kanë kaluar disa procedura parlamentare për ligjin e lëndëve të para minerale

Published

on

Zgjidhja ligjore për lëndët e para minerale, për të cilat shoqatat e mjedisit dhe Shoqata e Minierave në Odën Ekonomike kanë shprehur vërejtjet e tyre, është dërguar në Parlament në vitin 2019, tha Ministri i Ekonomisë, Kreshnik Bekteshi, në paraqitjen e tij të sotme në emisionin Magazina Ekonomike, në Alsat. Sipas tij, disa deputetë që tani po kontestojnë përmbajtjen e tij gjithashtu kanë pasur mundësinë të deklarohen për të.

“Kjo zgjidhje ligjore nuk është dërguar tani në procedurën parlamentare, por në fund të vitit 2019. Ai kaloi nëpër disa faza në Kuvend, procedurat dhe Komisionet ku morën pjesë disa deputetë, që sot janë kundër kësaj zgjidhje ligjore. “Kjo është e vërteta,” tha Bekteshi.


Alsat

Continue Reading

Business

Nikollov për ligjin e ri për lëndët e para minerale: Procedurë transparente me përfshirjen e të gjithë palëve

Published

on

Problematike në ligjin e ri për lëndët e para minerale për Nikolajço Nikollov nga Shoqata e minierave pranë Odës ekonomike janë koncesionet të cilat, siç thotë Nikollov, kur jepen shpejt, provokojnë reagim nga popullata lokale.

“I tillë është rasti me Llabunishtin, prej ku ndoshta vjen ndryshimi i ligjit me procedurë të shkurtuar, edhe pse është shumë kompleks dhe ka 145 nene. Ne jemi të përkushtuar për transparencë dhe pranisë së të gjitha palëve të interesuara për të miratuar ligj të mirë” tha Nikollov në emisionin “Magazina ekonomike” në Alsat.


Alsat

Continue Reading

Trending