Connect with us

Business

​Buxheti për vitin 2021 pritet të jetë 2.4 miliardë euro

Published

on

Qeveria e Kosovës në këtë rast Ministria e Financave është në fazën finale të përgatitjes së projektbuxhetit për vitin 2021.

Buxheti për vitin 2021 pritet të jetë 2.4 miliardë euro ose 200 milionë euro më i ulët në krahasim me këtë të vitit aktual për shkak të pandemisë COVID-19.

Zëvendësministri i Financave, Agim Krasniqi në një intervistë për KosovaPress deklaroi se janë në fazën finale të përgatitjes së buxhetit për vitin 2021, pasi që janë të obliguar deri në fund të këtij muaji të dorëzojnë projektbuxhetin në Kuvend për miratim.

Krasniqi ka thënë sesi rezultat i mosmiratimit të projektligjit për rimëkëmbje ekonomike nuk përjashtohet mundësia që të ulen pagat në sektorin publik si dhe të zvogëlohen shpenzimet në investime.

Krasniqi: Buxheti për vitin 2021 do të jetë 2.4 miliardë euro

“Për vitin 2021, duke pasur parasysh burimet e brendshme e të jashtme, tek shpenzimet jemi ende në fazën e fundit të diskutimeve, por buxheti do të jetë diku rreth 2.4 miliardë euro, do të thotë bien në krahasim me këtë vit (2020) që është 2 miliardë e 600 milionë. Po ashtu bie edhe kjo pjesa që kemi obligim për rritjen e borxhit dhe deficitit prej 6.5 ku ne duhet të kthehemi brenda tri viteve tek 2 përqindëshi…. Do të jetë më i vogël buxheti edhe për shkak të pandemisë, por realisht nëse krahasojmë buxhetin 2020 me 2021 të hyrat do të rriten, do të rikthehemi te rritja ekonomike, por jo në atë shkallë për të mbërritur kufirin e vitit 2020, për arsye se ne kemi shfrytëzuar bilancin bankar, rregullin fiskal për rritje të decitit buxhetor. Pra, këto janë instrumentet që e diktojnë edhe madhësinë e shpenzimeve të buxhetit”, thotë Krasniqi.

Zëvendësministri Krasniqi po ashtu ka kërkuar nga Kuvendi që ta miratojë Projektligjin për Rimëkëmbje Ekonomike, dhe në momentin që miratohet në lexim të parë pastaj ekziston mundësia që të bëhen ndryshime para se të dërgohet për votim në lexim të dytë.

Megjithatë për të shpëtuar sektorin privat, Krasniqi ka edhe një ide tjetër, që nuk përjashton mundësinë e uljes së pagave në sektorin publik.

Krasniqi: Nuk përjashtohet mundësia e uljes së pagave në sektorin publik

“Ne duhet tash të vendosim a duhet t’i zvogëlojmë shpenzimet në investime, a duhet t’i zvogëlojmë shpenzimet në subvencione e që nuk ka mundësi se janë të gjitha obligime ligjore. A duhet t’i zvogëlojmë subvencionet dhe grantet në bujqësi, a duhet t’i zvogëlojmë investimet publike apo duhet t’i zvogëlojmë edhe pagat. Prandaj, në këto raporte nuk përjashtohet asnjë mundësi, po them edhe pagat, për arsye që në rast se i zvogëlojmë investimet ne do ta zvogëlojmë mundësinë e rritjes ekonomike, e që kjo ndikon komplet edhe në sektorin privat. Unë po e mirëkuptoj nga një herë edhe sektorin privat kur thonë se ju sektori publik nuk jeni prek prej pandemisë, sepse kanë të drejtë. Prandaj, është mirë më shpejt të intervenohet”, thotë Krasniqi.

Për vendimin e fundit të Qeverisë për ndarjen e 87 milionë eurove për rimëkëmbje ekonomike, zëvendësministri ka thënë se javën tjetër nis ekzekutimi i mjeteve për bizneset private në shumën prej 60 milionë euro dhe 12 milionë euro për bujqësi.

Krasniqi: Prej javës së ardhshme mund të shpërndahen mjetet për biznese

“87 milionë euro që janë ndarë me vendimin e fundit dhe janë ndarë të gjitha mjetet që kanë qenë në dispozicion deri tash për rimëkëmbjen ekonomike e që nuk preken me projektligjin që është dërguar në Kuvend… Ajo që është me rëndësi është që nëse nuk kalon Projektligji për Rimëkëmbje Ekonomike do të mungojnë 100 milionë euro mjete të AKP-së, mjete këto për të ndihmuar kryesisht sektorin privat… Mund të ekzekutohen menjëherë javën e ardhshme”, tha ai.

Krasniqi ka komentuar edhe propozimin e PDK-së për kompensimin e 10 për qind të Trust-it. Ai thotë se do të ishte pabarazi për qytetarët, pasi që për rimburësim kishte propozuar edhe kjo qeveri qysh në fillim të projektimit të planit për rimëkëmbje ekonomike.

Alsat

Click to comment

Leave a Reply

Your email address will not be published. Required fields are marked *

Business

​ATK inkason 36.2% më shumë borxhe tatimore se në tremujorin e parë të vitit 2020

Published

on

Performanca e ATK-së në mbledhjen dhe trajtimin e borxheve tatimore për tremujorin e parë të këtij viti është në nivel të kënaqshëm, pasi në krahasim me periudhën e njëjtë të vitit 2020 inkasimi është më i madh për 36.2 % apo 6.3 milionë euro, ndërsa totali i borxhit të inkasuar për janar-mars 2021 është 23.8 milionë euro.

Përmes një njoftimi për media nga ATK thuhet se trajtimi dhe mbledhja e borxheve tatimore të krijuara nga tatimpaguesit është njëri ndër prioritetet kryesore të Administratës Tatimore të Kosovës.

Ministria e Drejtësisë në të njëjtën kohë ka zbatuar të gjitha procedurat, të cilat parasheh Legjislacioni Tatimor në fuqi, ku sipas procedurave të konfiskimit gjatë këtij tremujori janë kryer konfiskime tek disa subjekte biznesore, si rezultat janë inkasuar borxhe në vlerë prej 127 mije euro.

ATK falënderon të gjithë tatimpaguesit, të cilët duke paguar obligimet e tyre tatimore kontribuojnë në rritjen e mirëqenies së qytetarëve të Republikës së Kosovës.

Alsat

Continue Reading

Business

Bujqit nga komuna e Gazi Babës dhe Haraçinës kërkojnë dëmshpërblimin e përmbytjeve

Published

on

Dhjetëra bujq të komunës së Gazi Babës dhe Haraçinës sërish kanë bllokuar disa nga rrugët e Shkupit. Ata vazhdojnë të kërkojnë dëmshpërblimet për dëmet bujqësore të shkaktuara në vitin 2016 dhe 2018 nga reshjet e shiut dhe breshrit. Këshilli i bujqve shprehet i revoltuar nga mospërfillja e institucioneve përkatëse. Siç thonë bujqit, dëmet e tokës dhe të kulturave bujqësore kanë arritur në mijëra euro. Madje, shumë prej tyre thonë se tashmë kanë hequr dorë nga ky profesion për shkak të pamundësive ekonomike.

Ne si bujq të komunës së Haraçinës dhe Gazi Babës jemi vendosur që deri në fund, në mënyrën më të keqe, me protesta ti kërkojmë të drejtat tona. Kërkojmë trajtim të barabartë me të gjithë bujqit e Maqedonisë së Veriut dhe kërkojmë urgjentisht Qeveria të mbaj mbledhje dhe të marrë përfundimisht qëndrim që dëmet të paguhen sipas elaboratëve që janë dorëzuar nga komuna e Gazi Babës dhe Haraçinës”, tha Agron Hajrullahu, kryetar i këshillit organizativ.

“ Kemi marë borxhe në barnatoret bujqësore për najlonin dhe folitë. Unë kam mar kredi, paguaj interes për kredinë ndërsa paratë e mia tashmë 5 vjet nuk mund ti tërheq. Është momenti I fundit të gjejmë zgjidhje. Në pikun e sezonit të punës ne dalim në rrugë dhe nuk do të ndalemi këtu, kemi filluar dhe do të shkojmë deri në fund”.

Alsat

Continue Reading

Business

Oda Ekonomike: Të mos luhet me fatin e punëtorëve

Published

on

Deputetët të mos tallen me fatin e mijëra punëtorëve dhe urgjent të votohen ligjet, që janë të domosdoshme për ndihmën e kompanive. Odat Ekonomike (OE) me reagime të ashpra ndaj të zgjedhurve të popullit për mos- miratimin në kohë të masave nga pakoja e pestë. Nëse nuk votohen ligjet, dyfish më shumë qytetarë do të lëshohen në pushim të detyrueshëm dhe do të mbeten pa rroga. Ndihma e paraparë është për rreth 30 mijë kompani dhe do të përfshijnë rreth 120 mijë punëtorë.

Alsat

Continue Reading

Trending